Karel II. vu Spuenien

Vu Wikipedia
Wiesselen op: Navigatioun, sichen
Karel II. vu Spuenien

De Karel II. vu Spuenien (Spuenesch: Carlos II.), genannt "De Verhexten", gebuer de 6. November 1661 zu Madrid, an do gestuerwen den 1. November 1700, war de Kinnek vu Spuenien, Neapel a Sizilien vu 1665 bis zu sengem Doud, deen de Spueneschen Ierffollegkrich ausgeléist huet.

D'Originnen[änneren | Quelltext änneren]

De Karel den Zweete staamt aus dem zweete Bestietnes vum Philipp IV. mat der Maria-Anna vun Éisträich. Déi Hochzäit war eng Reaktioun vum Philipp op den Doud vu sengem eenzege Jong Balthasar Carlos, deen den Troun sollt iwwerhuelen an dee gestuerwen ass e puer Wochen nodeem mam Keeser Ferdinand III. en Arrangement getraff gi war, datt e sollt deem säi Meedchen, d'Maria Anna, sollt bestueden. De Philipp IV., deen deemools 42 Joer al war, huet dunn decidéiert, sech selwer mat der der Braut vu sengem Jong ze bestueden, obwuel se seng Niess war, an eréischt 13 Joer al war. D'Anne Maria ass awer eréischt 1649 zu Madrid ukomm, sou datt se am Ament vun hirer Hochzäit 15 Joer hat.

De Philipp IV. hat eng ganz Hickecht gesond Kanner mat senge Mätresse gemaach. Mä déi Kanner, déi hie mat senger Fra hat, sinn entweder kuerz no der Gebuert gestuerwen oder koumen dout op d'Welt. No néng Joer Bestietnes war just säi Meedche Margarita Maria um Liewen, där et sollt goe wéi hirer Mam; si wäert sech bestuede mat hirem Monni, dem Leopold I..

De Karel II. war dowéinst gär gesinn, wéi hien op d'Welt koum. Vun Ufank u war hien e krankt an deierlecht Kand. Eng joerhonnertal Inzucht tëscht de Kinnekshaiser, siwe vu sengen aacht Urgrousseltere stame vun der Jeanne der Geckecher of, hat dozou gefouert, datt beim Karel munnech Ierfschied zum Virschäi koumen.

Um Spaweck[änneren | Quelltext änneren]

Commons: Charles II of Spain – Biller, Videoen oder Audiodateien