Karl Schwarzschild
De Karl Schwarzschild, gebuer de 9. Oktober 1873 zu Frankfurt am Main a gestuerwen den 11. Mee 1916 zu Potsdam war en däitschen Astronom a Physiker. Hie gëtt als Pionéier vun der moderner Astrophysik ugesinn.
Inhaltsverzeechnes |
[änneren] Liewen
De Karl Schwarzschild gouf zu Frankfurt als eelsten vu 6 Kanner an enger räicher däitsch-jiddescher Famill gebuer (hien huet sech awer spéider deefe gelooss). Seng Elteren waren d’Henrietta Sabel a Moses Martin Schwarzschild. Hien ass an engem kultivéierten groussbiergerlechem Ëmfeld opgewues. D’Famill hat villsäiteg Interessi, ë. a. Musek a Konscht goufe geflegt. Zu Frankfurt huet hien déi jiddesch Elementarschoul besicht an duerno d’Stätescht Lycee, wou hie sech fréizäiteg fir d’Astronomie interesséiert huet. Schonns als 16-jährege Student publizéiert hien an den Astronomischen Nachrichten zwou Aarbechten zu der Bunnbestëmmung vu Planéite a vun Duebelstäre. No dem Abitur, dat hien als Beschte vu sengem Joergank bestanen hat, studéiert hie vum Joer 1890 un der Universitéit Stroossbuerg d’Astronomie. 1892 wiesselt hien an d’Ludwig-Maximilians-Universitéit München, wou hie 1896 ënnert dem Hugo von Seeliger zum Thema „Die Entstehung von Gleichgewichtsfiguren in rotierenden Flüssigkeiten“ promovéiert.
Vu 1897 un schafft de Karl zwee Joer als Assistent am Kuffner-Observatoire zu Wien. Do beschäftegt hie sech mar der Fotometrie vu Stärekéip a leet Grondlage fir eng Formel, déi d’Bezéiung zëschent Intensitéit vum Stäreliicht, Beliichtungszäit a Schwärzung vun der Fotosplack an der Astrofotografie beschreift. E wichtegts Glidd vun der Formel ass d’Schwarzschild-Exponent. 1899 kënnt hie op München zeréck.
Vu 1901 bis 1909 war de Schwarzschild Professer an Direkter op dem Observatoire Göttingen. Do konnt er hie mat Perséinlechkeeten wéi den David Hilbert an den Hermann Minkowski zesummeschaffen. 1909 gouf hie Direkter vum Astrophysikaleschem Observatoire zu Potsdam. 1912 gouf de Schwarzschild Member vun der Preisescher Akademie vun de Wëssenschaften. Beim Ausbroch vum éischte Weltkrich 1914 melt hie sech fräiwelleg zu der Arméi. Hien huet ehollef un der Ost- a Westfront an hat do ënner anerem ballistesch Berechnungen duerchzeféieren. Wärend dem Krich ass hie nun enger Autoimmunkrankheet vunder Haut (Pemphigus vulgaris) erkrankt a koum am Mäerz 1916 als Invalide vun der Front zeréck. Zwee Méint spéider ass hie am Alter vu nëmmen 42 Joe gestuerwen.
De Karl Schwarzschild ass de Papp vum Astrophysikers Martin Schwarzschild.
[änneren] Wierk
Wärend dem Krichdengscht huet hie 1915 a Russland eng Ofhandlung iwwer d’Relativitéitstheorie an eng iwwer d’Quantentheorie geschriwwen.
Seng Aarbecht zu der Relativitéit huet déi éischt genee Léisungen vun der Feldgläichunge vun der Allgemenger Relativitéitstheorie bruecht – eng fir net rotéierend kugelfërmeg symmetresch Kierper an eng fir statesch isotrop eidel Räim ëm fest Kierper.
De Schwarzschild leescht och e puer grondleeënd Aarbechten iwwer klassesch Schwaarz Lächer. E puer Eegeschafte vu schwaarze Lächer kruten dofir säi Numm, nämlech d’Schwarzschild-Metrik, d’Schwarzschild-Tangherlini-Metrik an d’Schwarzschildradius. De Kär vun engem schwaarze Lach gëtt Schwarzschild-Singularitéit genannt.
Eng weider Aarbecht an der Astronomie mécht hien iwwert d’fotografesch Hellegkeetsmiessung vu Stäre. Am Zuch vu Studien zu dem Stralungstransport an der Sonnenatmosphär prägt de Schwarzschild de Begrëff vum Stralungsgläichgewiichts.
Mat Methoden vun der Stellarstatistik ënnersicht hien d’Verdeelung vun de Stäre an der Mëllechstrooss.
Hie verbessert weider och d’Theorie optescher Systemer.
[änneren] Éierungen
Den Asteroid Schwarzschilda gouf no him genannt. Zu Göttingen an zu Garching bei München goufe je eng Strooss no him genannt.
[änneren] Schrëften
| Wikisource: Karl Schwarzschild – Quellentexter |
zu optesche Systemer:
- Untersuchungen zur geometrischen Optik I. Einleitung in die Fehlertheorie optischer Instrumente auf Grund des Eikonalbegriffs, 1906, Abhandlungen der Gesellschaft der Wissenschaften in Göttingen, Band 4, Nummero 1, S. 1-31
- Untersuchungen zur geometrischen Optik II. Theorie der Spiegelteleskope, 1906, Abhandlungen der Gesellschaft der Wissenschaften in Göttingen, Band 4, Nummero 2, S. 1-28
- Untersuchungen zur geometrischen Optik III. Über die astrophotographischen Objektive, 1906, Abhandlungen der Gesellschaft der Wissenschaften in Göttingen, Band 4, Nummero 3, S. 1-54
- Über Differenzformeln zur Durchrechnung optischer Systeme, 1907, Nachrichten von der Gesellschaft der Wissenschaften zu Göttingen, S. 551-570
zu Hellegkeetsmiessunge:
- Aktinometrie der Sterne der B. D. bis zur Größe 7.5 in der Zone 0° bis +20° Deklination. Teil A. Unter Mitwirkung von Br. Meyermann, A. Kohlschütter und O. Birck, 1910, Abhandlungen der Gesellschaft der Wissenschaften in Göttingen, Band 6, Numero 6, S. 1-117
zu der Sonnenatmosphär:
- Über das Gleichgewicht der Sonnenatmosphäre, 1906, Nachrichten von der Gesellschaft der Wissenschaften zu Göttingen, S. 41-53
- Die Beugung und Polarisation des Lichts durch einen Spalt. I., 1902, Mathematische Annalen, Band 55, S. 177-247
- Zur Elektrodynamik. I. Zwei Formen des Princips der Action in der Elektronentheorie, 1903, Nachrichten von der Gesellschaft der Wissenschaften zu Göttingen, S. 126-131
- Zur Elektrodynamik. II. Die elementare elektrodynamische Kraft, 1903, Nachrichten von der Gesellschaft der Wissenschaften zu Göttingen, S. 132-141
- Zur Elektrodynamik. III. Ueber die Bewegung des Elektrons, 1903, Nachrichten von der Gesellschaft der Wissenschaften zu Göttingen, S. 245-278
- Ueber die Eigenbewegungen der Fixsterne, 1907, Nachrichten von der Gesellschaft der Wissenschaften zu Göttingen, S. 614-632
- Ueber die Bestimmung von Vertex und Apex nach der Ellipsoidhypothese aus einer geringeren Anzahl beobachteter Eigenbewegungen, 1908, Nachrichten von der Gesellschaft der Wissenschaften zu Göttingen, S. 191-200
- K. Schwarzschild, E. Kron: Ueber die Helligkeitsverteilung im Schweif des Halley´schen Kometen, 1911, Nachrichten von der Gesellschaft der Wissenschaften zu Göttingen, S. 197-208
- Die naturwissenschaftlichen Ergebnisse und Ziele der neueren Mechanik., 1904, Jahresbericht der Deutschen Mathematiker-Vereinigung, Band 13, S. 145-156
- Über die astronomische Ausbildung der Lehramtskandidaten., 1907, Jahresbericht der Deutschen Mathematiker-Vereinigung, Band 16, S. 519-522
zu den einsteinesche Feldgläichunge
- Über das Gravitationsfeld eines Massenpunktes nach der Einstein’schen Theorie. Reimer, Berlin 1916, S. 189 ff. (Sitzungsberichte der Königlich-Preussischen Akademie der Wissenschaften; 1916)
- Über das Gravitationsfeld einer Kugel aus inkompressibler Flüssigkeit. Reimer, Berlin 1916, S. 424-434 (Sitzungsberichte der Königlich-Preussischen Akademie der Wissenschaften; 1916)
