Kierch Léiler
| ||||
|---|---|---|---|---|
 Filialkierch vu Léiler (2014) | ||||
| Uertschaft / Plaz | Léiler | |||
| Par | Clierf Saint-Benoît | |||
| Dekanat | Norden | |||
| Numm / Patréiner | Hl. Kräiz | |||
| Konsekratioun | 1956 | |||
| Koordinaten | 50° 07’ 30.2’’ N 06° 06’ 41.9’’ O | |||
| Kierchen - Kapellen | ||||
D'Kierch zu Léiler ass eng kathoulesch Kierch déi zur Par Clierf Saint-Benoît, zum Dekanat Norden an zu der Gemeng Klierf gehéiert.
D'Kierch ass dem hellege Kräiz geweit. D'Fest gëtt de 14. September gefeiert.
Se steet an der Haaptstrooss, dem CR338. Ronderëm d'Kierch ass de Kierfecht ugeluecht. Säitlech un der Kierch ass de Monument aux Morts fir d'Affer vum Zweete Weltkrich.
Geschicht[änneren | Quelltext änneren]
Eng eegestänneg Par gouf Léiler den 30. September 1807 mat engem Dekreet vum franséische Keeser Napoleon Bonaparte. Zu där Zäit huet Léiler zum Département des Forêts gehéiert, an et war mat den Nopeschuertschafte am Dekanat Klierf en Deel vun der Diözees Metz.
Nom Wiener Kongress gouf dat "neit" Groussherzogtum kierchenhierarchesch un d'Diözees Namouer ugehaangen, a Léiler mat.
Bis de 7. Mee 2017 war et d'Parkierch vun der Par Léiler. Et war déi eenzeg Kierch an dëser Par.
D'Gebai[änneren | Quelltext änneren]
Amplaz vun engem Tuerm huet d'Léiler Kierch en erhéichte Chouerbau mat engem géie Walmdaach an deem d'Klacken hänken. Wéinst hirem Kierchechouer, deen op d'14. Joerhonnert datéiert gëtt, däerf d'Kierch als eng fir d'Ardennelandschaft typesch Kierch mat Chouertuerm agegliddert ginn. Dat haitegt Kiercheschëff ass tëscht 1849 an 1850 nei gebaut ginn, nodeem dat aalt, dat am Joer 1770 schonn emol vergréissert gouf, no 80 Joer ze kleng a baufälleg war. Hiert haitegt Ausgesi verdankt d'Kierch enger nom Zweete Weltkrich an de Joren 1953/54 duerchgefouerter Renovéierung. Haaptinteressi bei dëser Renovéierung war de mëttelalterleche Chouer bei deem d'Freske fräigeluecht a restauréiert goufen. Säitlech vum Chouer gouf eng Sakristei bäigebaut.
Den 8. September 1956 ass d'Kierch op den Titel Helleg-Kräiz-Kapell konsekréiert ginn, ier se den 31. Juli 1968 ënner staatlechen Denkmalschutz gesat gouf.[1] Um Kierfecht ronderëm d'Kierch stinn eng Rei vun alen a Schifersteng gemeesselt Grafsteng.
Literatur[änneren | Quelltext änneren]
- Michel Schmitt: Lieler Hl.-Kreuz-Kirche, Schnell & Steiner Verlag, 2000, 15 S., ISBN 3-7954-6315-7
Kuckt och[änneren | Quelltext änneren]
- Lëscht vu reliéise Gebaier zu Lëtzebuerg
- Lëscht vun de Lëtzebuerger Paren
- Lëscht vun de fréiere Lëtzebuerger Paren
- Lëscht vun den nationale Monumenter an der Gemeng Klierf
Um Spaweck[änneren | Quelltext änneren]
| Commons: Kierch Léiler – Biller, Videoen oder Audiodateien |
- Websäit vun der Par Clierf Saint-Benoît
- D'Kierch vu Léiler op der Websäit vum Service des sites et monuments nationaux (fr)
- D'Fënstere vun der Kierch vu Léiler op der Websäit vun der Stiftung Forschungsstelle Glasmalerei des 20. Jh. e. V. (de)
-
D'Kierch vun Oste gesinn -
Den Agank vun der Kierch -
Monument aux Morts nieft der Kierch
Referenzen[Quelltext änneren]
- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 27. Februar 2024).