Kierch Lëtzebuerg-Lampertsbierg

Kierch Lëtzebuerg-Lampertsbierg
Uertschaft	Stad Lëtzebuerg (Lampertsbierg)
Par	Lëtzebuerg-Lampertsbierg
Numm	Hl. Jousef
Konsekratiounsjoer	1913
Parverband	Lampertsbierg, Rollengergronn
Architekt(en)	Nicolas Petit
Kierchen - Kapellen

D'Kierch vum Lampertsbierg gouf vun 1910 bis 1913 no de Pläng vum Architekt Nicolas Petit gebaut. Et ass eng vun de wéinege Kierchen am neoromanesche Stil zu Lëtzebuerg (wougéint déi neogotesch éischter heefeg sinn).

Bannenariichtung

Déi haiteg Bannenariichtung staamt aus dem Joer 1976, an deem d'Kierch renovéiert an den neien Ufuerderunge vun der Liturgiereform ugepasst gouf. Esou steet am Chouer eng 6,5 m heich stèle eucharistique déi e Liewensbam duerstellt, mat Motiver aus dem alen Testament (ë.a. Adam an Eva), mam Tabernakel a mat enger interessanter Zeen uewendrop: eng Kräizegungszeen, déi awer gläichzäiteg den operstanene Christus weist (keng Neel, nëmme Wonne sinn ze gesinn; an en ass ugedoen). Dëst ass d'Wierk vum Tréirer Kënschtler Willy Hahn.

Fënsteren

Déi net-figurativ Fënsteren am Kiercheschëff si vum André Haagen. D'Muttergottesstatu um lénkse Säitenaltor ass aus der zweeter Halschent vum 17. Jh., de Jousef op deem anere Säitenaltor ass vum Albert Hames. D'Ställecher am Querschëff stame vun 1913, aus der Iechternacher Basilika, a koumen 1963 op de Lampertsbierg.

Literatur

• Ons Stad N°18, 1985, S. 15, Michel Schmitt, L'église paroissiale du Limpertsberg

Linken

Kuckt och

• Lëscht vu reliéise Gebaier zu Lëtzebuerg

Um Spaweck

• D'Fënstere vun der Kierch zu Lëtzebuerg-Lampertsbierg op der Websäit vun der Stiftung Forschungsstelle Glasmalerei des 20. Jh. e.V. (de)