Kierch Mamer

Éischt Kierch (983)
Zweet Kierch (1541)
Drëtt Kierch (1640)
Véiert Kierch (1721-23)
Fënneft Kierch (1844-45) gouf 1723 vum Tréierer Weibëschof Johann Matthias von Eyss konsekréiert^[1]
Sechst Kierch (1931-32)

1996-2002 gouf d'Kierch restauréiert.

Ariichtung[änneren | Quelltext änneren]

De Priedegtstull[änneren | Quelltext änneren]

De Priedegtstull staamt aus dem Joer 1733, an e gouf vum Nicolas Greeff (Jong) hiergestallt. De Priedegtstull ass fräischwiewend. Um Kuerf vum Priedegtstull fënnt een déi véier Evangelisten, de Markus mam Léiw, de Lukas mam Stéier, de Mathäus an de Johannes mam Aadler.Um sechseckege Baldachin schwieft an der der Mëtt den Hl. Geescht a Form vun enger Dauf. Op den Ecke sinn Engelskäpp ze gesinn. Op der Réckwand vum Priedegtstull ass Christus ofgebilt als gudden Hiert. Ënner dem Bild vu Christus steet a gëllener Schrëft EGO SUM PASTOR BONUS.

D'Uergel[änneren | Quelltext änneren]

Am Joer 1890 krut d'Mamer Kierch hir éischten Uergel. Déi war gestëft ginn vun enger Elisabeth Rendel. Gebaut gouf d'Uergel vun der berüümter Uergelbaufirma Charles Wetzel vu Stroossbuerg, der Nofollgerfirma vun der Uergelbauerdynastie vun de Silbermann. Schonn déi Uergel hat en aussergewéinlech grousse Manualëmfank fir déi Zäit, an eng metalle mechanesch Traktur. 1932 gouf dës Uergel renovéiert an e Motor agebaut.

Déi aktuell Uergel vun der Mamer Kierch staamt aus den 1960er Joren. Nodeem d'Kierch 1960 renovéiert gi war, huet d'Lëntgener Uergelmanufaktur Haupt eng Offerte eragereecht fir e kompletten Neibau. Dat war no dem Doud vum Uergelbaumeeschter Georg Haupt, wou d'Fabrik vu senger Wittfra weidergefouert gouf, mä 1963 Faillite gemaach huet. Trotz diverse Bedenken gouf e Vertrag mat der nei gegrënnter "Fabrique d'orgues luxembourgeoise s.à.r.l. Lintgen ënnerschriwwen, déi ënner der technescher Leedung vum Lëtzebuerger Uergelbauer Nikki Loewen stoung. Den 10. Januar 1965 gouf d'Uergel, déi bis haut onverännert blouf, ageweit. Si huet 2 Manualer (Haaptwierk a Schwellwierk) an eng Pedall, déi néideg Koppelen, II/I - I/P - II/P, eng fräi Kombinatioun, 4 fest Kombinatioune P - MF - F an Tutti, en Tounschweller um II. Manual, an e Regësterschweller. D'Uergel funktionéiert mat enger elektrescher Traktur a mat "Kegelladen".

Mëtt September 2008 huet den Uergelbaumeeschter Th. Erz vu Wasserliesch domat ugefaangen, d'Uergel ze restauréieren. Dobäi geet et ëm:

Ausbau vum komplette Päifewierk
Regëstertralktur: Eretze vun den Apparaten duerch elektresch Magnéiter
Ëmstelle vum Wandgebléis
Nei Raster fir Trompett a Gemshar
Nei elektresch Schaltung duerch e rengt elektrescht System, dat mat Hëllef vun engem elektronesch gesteierte Motor gedriwwe gëtt
Abau vun enger neier elektrescher Steierung

Den Devis beleeft sech op 87.000 €.

Biller[änneren | Quelltext änneren]

Vue op den Altor
Vue vum Altor aus

Literatur zum Theema[änneren | Quelltext änneren]

Langini, Alex: Die Kirche in Mamer: seit mehr als tausend Jahren, in: Die Warte. - Luxembourg. - Année 55(2003), n° 16 = n° 2036 (8. Mai), p. [3], ill.
Thill, Norbert: Heimat und Mission. - Clairefontaine. - Jg. 78(2004), Nr. 1/2, p. 45-68, ill.

Heimat und Mission. - Clairefontaine. - Jg. 78(2004), Nr. 3/4, p. 69-88, ill.

Heimat und Mission. - Clairefontaine. - Jg. 77(2003), Nr. 9/10, p. 1-24, ill.

Heimat und Mission. - Clairefontaine. - Jg. 77(2003), Nr. 11/12, p. 25-44, ill.

Zenner, Roby: Die Pfarrkirche von Mamer, in: Letzeburger Sonndesblad. - Jg. 126(1993), Nr. 45, p. 24, ill.
Salentiny, Joseph: Die Pfarrkirche in Mamer, in: 100e anniversaire / Chorale Sainte-Cécile Mamer. - Luxembourg, 1983. - P. 91-104, ill.