Kierch Rued-Sir
| Kierch Rued-Sir | |
 |
|
| Uertschaft | Rued-Sir |
| Par | Rued-Sir |
| Numm / Patréiner | Hl. Jakobus den Eeleren |
| Konsekratiounsjoer | 8. Oktober 1978 |
| Parverband | Widdebierg |
| Architekt(en) | René Schmit Jean Ewert André Hagen |
| Kierchen - Kapellen | |
Di nei Kierch vu Rued-Sir ass eng kathoulesch Kierch, déi zum Parverband Widdebierg, zu der Pastoralregioun Osten, zum Dekanat Gréiwemaacher an zu der Gemeng Betzder gehéiert. Responsabel ass de Paschtouer Guy Diederich vu Menster.
Rued-Sir huet zwou Kierchen, vun deenen déi al nëmme nach fir Ausstellungen an aner kulturell Zwecker benotzt gëtt. Di nei Kierch steet am Ufank vun der Ouljener Strooss (rue d'Olingen), dem CR134, nëmmen ca. 40 m vun der Kräizung mat der N1. Di al steet an därselwechter Strooss wéi déi nei, vun där ca. 120 m ewech.
Inhaltsverzeechnes |
Geschicht [änneren]
Déi al Kierch [änneren]
Rued ass eng ganz al Par, eng éischt Kierch zu Rued gëtt schonns am Joer 1083 ernimmt, an dem Joer wou d'Almënsterabtei gegrënnt gouf an de Grof Konrad vu Lëtzebuerg hinnen deemools d'ecclesiam de Rode geschenkt huet. De richtegen Datum vum Bau ass net bekannt.
Den éischte bekannte Paschtouer vu Rued war den Ernst Heistorff. Em 1685 heescht de Paschtouer Joh. Heinrich Lenert. D'Kierch as aarm, an d'Mauere réi, keen hëlze Foussbuedem mä e knubbelege Steebelag. De Chouer ass hallef zesummegefall an et gesäit éischter no engem Stall aus wéi no engem Gotteshaus.
1738 waren erëm besser Zäiten an et gëtt vun enger Kierch baussent dem Duerf geschwat. Wahrscheinlech sinn déi am Krich zerstéiert Haiser nach net opgebaut ginn. Sou steet d'Kierch, déi a guddem a wierdegem Zoustand ass, eleng um Hiwwel. Aus där Zäit staamt och de lénkse Säitenaltor, den d'Opschrëft dréit: P.W.1728.
Déi haiteg Kierch ("déi Al" genannt) war am Joer 1757 ënnert dem Paschtouer Joh. Filtz (1749-1776) gebaut ginn a gouf de 26. Juli 1757 dem hl. Jakobus geweit. E Gewëllefsteen dréit dës Joreszuel.
Déi modern Kierch [änneren]
An der Nokrichszäit vum 20. Joerhonnert huet sech d'Fro gestallt, ob déi kleng Kierch nach zäitgeméiss wier, sou datt an de Joren 1963 bis 1968, ënnert dem Paschtouer Adolphe Krier e Kierchebauveräi gegrënnt ginn ass. Zéng Joer drop sollt dann déi nei modern Kierch entstoen, där hire Grondsteen de 4. Juli 1976 geluecht gouf. Dës gouf den 8. Oktober 1978 geweit an huet ausser dem Apostel Jakobus dem Eeleren als Haaptpatréiner nach d'Mater Dolorosa als zweet Patréinesch.
D'Kierch vu bannen [änneren]
D'Bannenausstattung ass zum groussen Deel vum Egino Weinert, esou:
- den Tabernakel: lescht Owesmoolzecht
- d'Hängekräiz mat engem béidsäiteg bebillerte Medaillon; esou datt een d'Kräiz ka vun zwou Säite weisen: Féisswäschen a Kräizegung
- den Dafsteen: Daf vu Jesus
- de Kräizwee
- de Kräizwee vum Roger Bertemes
- d'Käerzestänneren
- den Ouschterkäerzestänner
- de Muttergottesmedaillon
|
|
|
|
Den Altor, den Ambo an d'Chouerstill si vum Pauly. D'Fënstere goufe vum Georges Calteux an Ad Deville entworf.
Nieft dem Kräizwee vum Egino Weinert hänkt zënter 1988 en net-figurative Kräizwee vum Roger Bertemes an der Kierch.
Literatur [änneren]
- Georges, Nic; Paschtouer vu Betzder: Kurzgeschichten der Pfarreien" Verfasser Nic Georges 25.7.1987,
- Backendorf, C. Lokalchronik Roodt-sur-Syre, Roodt-sur-Syre, 15.9.1999
- Kierchebauveräin Rued-Sir, 10 Joer nei Parkierch Rued-Sir, 1988
Kuckt och [änneren]
Um Spaweck [änneren]
| Commons: Kierch Rued-Sir – Biller, Videoen oder Audiodateien |
- Websäit vun der Betzder Gemeng
- Websäit vum Parverband Widdebierg
- Wortlos Lob, De Kräizwee vum Roger Bertemes
- D'Fënstere vun der neier Kierch vu Rued-Sir op der Websäit vun der Stiftung Forschungsstelle Glasmalerei des 20. Jh. e.V. (de)
- D'Fënstere vun der aler Kierch vu Rued-Sir op der Websäit vun der Stiftung Forschungsstelle Glasmalerei des 20. Jh. e.V. (de)
