Kapell Siwwenaler

Kapell vu Siwwenaler
Kapell vu Siwwenaler (2006) Kapell vu Siwwenaler (2006)
Uertschaft / Plaz	Siwwenaler
Par	Clierf Saint-Benoît
Dekanat	Norden
Numm / Patréiner	Hl. Lambertus
Baujoer	1628
Koordinaten	50° 00’ 35.7’’ N       06° 01’ 32.0’’ O
De Chouer vun der Siwwenaler Kapell De Chouer vun der Siwwenaler Kapell
Kierchen - Kapellen

D'Kapell zu Siwwenaler ass eng kathoulesch Kapell déi zur Par Clierf Saint-Benoît, zum Dekanat Norden an zu der Gemeng Klierf gehéiert.

De Patréiner vun der Kapell ass den hellege Lambert deem säi Fest den 18. September gefeiert gëtt. Niewepatréiner sinn d'helleg Anna an den hellege Quirinus.

Se steet zentral am Duerf op der Kräizung vun der Haaptstrooss, dem CR343, mat der Strooss fir op Buckels.

Geschicht

Bis de 7. Mee 2017 war et eng Kapell vun der Par Pënsch, déi zum Parverband Wooltz, Kiischpelt, zu der Pastoralregioun Norden an zum Dekanat Wolz gehéiert huet. Zur Par Pënsch huet ausser der Kapell vu Siwwenaler och nach d'Parkierch vu Pënsch, d'Filialkierch vun Äischer, d'Kapell vu Lellgen, d'Filialkierch vu Wëlwerwolz an d'Filialkierch vun Draufelt gehéiert.

D'Kapell staamt an hirer ursprénglecher Form vu 1628. 1780 krut se en neit Portal. De wäertvollen Altor ass aus dem spéide 17. Joerhonnert. D'Kräiz uewen um Altor ass méi al. Déi eenzeg Klack ass vun zirka 1852.

Am Januar 2005 si véier Fënstere komplett restauréiert an nei verbläit ginn.

Literatur

• Schmitt, Michel: Die Kirchen und Kapellen im Pfarrverband Kiischpelt, 2003, Verlag Schnell & Steiner, Regensbuerg, 32 S. ISBN 3-7954-6476-5

Kuckt och

• Lëscht vu reliéise Gebaier zu Lëtzebuerg
• Lëscht vun de Lëtzebuerger Paren
• Lëscht vun de fréiere Lëtzebuerger Paren

Um Spaweck

Commons: Kapell Siwwenaler – Biller, Videoen oder Audiodateien

• Websäit vun der Par Clierf Saint-Benoît
• D'Fënstere vun der Kapell vu Siwwenaler op der Websäit vun der Stiftung Forschungsstelle Glasmalerei des 20. Jh. e. V. (de)

• 
  D'Kapell vu Südoste gesinn
• 
  Aganksdier
• 
  D'Kapell vun Nordoste gesinn