Kings Canyon
De Kings Canyon ass déi gréissten a déifste Griecht an Zentralaustralien. E läit am Northern Territory, 420 km südwestlech vun Alice Springs. De Kings Canyon huet sech zu enger vun de gréissten Touristenattraktiounen am Northern Territory entwéckelt. Seng Klippe sinn 270 m héich.
Inhaltsverzeechnes |
[änneren] Geographie
De Kings Canyon läit am Wattarka Nationalpark, deen 300 km südwestlech vun Alice Springs läit.
[änneren] Geologie
E gëtt och de klenge Grand Canyon vun Australien genannt. Eng spektakulär Schlucht, déi iwwer 270 Meter héich an 1 km laang ass. D’Fielse liichten an alle Faarwe vu giel, iwwer gro bis zu rouden Téin.
[änneren] Planzen an Déieren
Dës Schlucht ass eent vun de wichtegste Gebidder am Rouden Zentrum. Zirka 600 Planzenaarten, dorënner vill Reliktplanzen aus den Urzäiten déi duerch déi fiicht-tropesch Vegetatioun erhale bliwwe sinn. Um dréchene Buedem vum Canyon wuesse grouss Floss-Eukalypten. Am Dall vum Canyon stinn uraal Palmfarnen a laanscht Strooss fir an de Canyon, fënnt ee Wüsteneechen a verschiddenen Alterskategorien.
Et gi vill Zorte Vullen, wéi Perruchen, Zebrafénken, Diamantdeiwecher an den Äisvull. Mat Chance kann ee fréi mueres och Fielsekängurue gesinn.
[änneren] Wanderen
Et gi verschidde Wanderweeër, wéi de Kings Canyon Track deen 8 km laang ass an deen duerch d’Palmenoas Valley of Eden féiert, oder e strammen Tour, duerch an iwwert d'Griechten, vun 6 km, wou d’Gesamtdifferenz vun der Héicht 150 Meter sinn. Den einfachsten Tour duerch d’Flossbett, de Kings Creek Walk, geet ënnert risegen Eukalyptusbeem laanscht an dauert ongeféier eng Stonn.
