Kodiak Launch Complex

Vu Wikipedia
Start vun enger Athena-I-Rakéit vum Kodiak Launch Complex (LP-1)
STARS-Rakéit op LP-2

De Kodiak Launch Complex (och KLC genannt) ass eng kommerziell Rakéitestartplaz an Alaska. Si steet op der Insel Kodiak am Beräich vun Narrow Cape. De Kodiak Launch Complex gehéiert der Alaska Aerospace Development Corporation an ass fir de Start vu Feststoffrakéite konzipéiert. Bis elo gouf et e puer suborbitale Starte fir militäresch Tester vun der „Ballistic Missile Defense Organisation“ (BMDO) souwéi en orbitale Start vun enger Athena-I-Rakéit an zwéin orbital Starte vun der Minotaur IV. Vun 2001 bis 2008 goufe STARSrakéiten als Zil fir Rakéitenofwiertester vum Kodiak Launch Center gestart.

Infrastruktur[änneren | Quelltext änneren]

De Kodiak Launch Complex huet zwéi Startkomplexer (Launch Pads) mat de Bezeechnungen LP-1 an LP-2 souwéi e Kontrollzentrum.

Kontrollzentrum[änneren | Quelltext änneren]

De Kontrollzentrum (Launch Control Center) steet an enger Hal an huet déi technesch Ariichtungen, fir de Start ze kontrolléieren, sowéi Ariichtunge fir Wiederobservatioun a 60 Büroplazen.[1]

Startplazen[änneren | Quelltext änneren]

Launch Pad 1 (LP-1)[änneren | Quelltext änneren]

Déi éischt Startplaz ass fir de Start vu grousse Feststoffrakéiten op Basis vu Peacekeeper- a Castor-120-Rakéitemotoren. Rakéiten op Basis vu Minuteman-Rakéitemotore kënnen och vun do starten. D'Startplaz besteet aus enger Montagehal fir d'Virbereedung vun de Rakéiten an de Notzlaaschten an dem Startdësch. Bei deem ass en Tuerm (Launch Service Structure) mat schwenkbare Revisiounsbünen. Am zouenen Zoustand ëmschléissen d'Revisiounsbünen d'Rakéit komplett a si sou e Schutz virun Ëmweltaflëss. Fir de Start gi s'an eng Positioun hanner de Starttuerm geschwenkt, soudatt si vum Feierstral an den Drockwelle vum Rakéitestart net beschiedegt ginn. Bis elo gouf et dräi orbital Starte mat Rakéite vun den Typpen Athena I, Minotaur IV HAPS a Minotaur IV+.[2]

Launch Pad 2 (LP-2)[änneren | Quelltext änneren]

Déi zweet Startplaz ass fir de Start vu klenge Rakéiten a besteet aus engem einfache Startdësch an enger beweeglecher Montagehal, déi iwwer de Startdësch gerullt ka ginn. Sou kënnen d'Rakéite wiedergeschützt zesummegebaut an opgeriicht ginn. Eng Revisiounsbün um Startdësch existéiert net.[3] Vun do si suborbital Rakéite vun den Typpen SR-19 M-57A, Castor-4B M-57A, Aries an STARS gestart ginn.

Startlëscht[änneren | Quelltext änneren]

Start Datum (UTC) Rakéit Notzlaascht Startplaz Erfolleg Bemierkung
1 6. November 1999 SR-19 M-57A ait-1 LP-2 Erfolleg Suborbital
2 14. September 1999 Castor-4B M-57A ait-2 LP-2 Erfolleg Suborbital
3 19. Mäerz 2001 Aries QRLV-1 LP-2 Erfolleg Suborbital
4 30. September 2001 Athena I Starshine 3, PICOSat, PCSat, SAPPHIRE LP-1 Erfolleg Orbital
5 9. November 2001 STARS WCRRF LP-2 Feelschlag Suborbital
6 24. Abrëll 2002 Aries QRLV-2 LP-2 Erfolleg Suborbital
7 15. Dezember 2004 STARS IFT-13C-Target LP-2 Erfolleg Suborbital
8 14. Februar 2005 STARS IFT-14-Target LP-2 Erfolleg Suborbital
9 24. Februar 2006 STARS FT-04-01-Target LP-2 Erfolleg Suborbital
10 1. September 2006 STARS FTG-02-Target LP-2 Erfolleg Suborbital
11 25. Mee 2007 STARS FTG-03-Target LP-2 Feelschlag Suborbital
12 28. September 2007 STARS FT-03a-Target LP-2 Erfolleg Suborbital
13 18. Juli 2008 STARS FTX-03-Target LP-2 Erfolleg Suborbital
14 5. Dezember 2008 STARS FTG-05-Target LP-2 Erfolleg Suborbital
15 20. November 2010 Minotaur IV HAPS STPSat 2, FASTSAT, FASTRAC-A, FASTRAC-B, FalconSat 5, O/OREOS, RAX, NanoSail D2 LP-1 Erfolleg Orbital
16 27. September 2011 Minotaur IV TacSat 4 LP-1 Erfolleg Orbital

Um Spaweck[änneren | Quelltext änneren]

Commons: Kodiak Launch Complex – Biller, Videoen oder Audiodateien

Referenzen[Quelltext änneren]

  1. Alaska Aerospace Corporation: Launch Control Center
  2. Alaska Aerospace Corporation: Launch Service Structure and Launch Pad 1
  3. Alaska Aerospace Corporation: Launch Pad 2