D'Kommissioun Juncker ass de Collège vun Europäesche Kommissären ënner der Presidence vum Jean-Claude Juncker. Si huet den 1. November 2014 hir Funktioun ugetrueden als d'Nofollgerin vun der Kommissioun Barroso II. Si besteet aus engem President a 27 Commissairen, wouvunner der 7 Vizepresident sinn.
Am Juli 2014 hunn 422 Deputéiert vum Europäesche Parlament fir de Juncker gestëmmt, 250 géint en, 47 hu sech enthalen, 10 Stëmme waren ongëlteg an 22 goufen net ofginn.
Déi eenzel Commissairë ginn, op Virschlag vun den eenzele Regierunge vun de Memberlänner, vum President erausgesicht; et ass och hien, deen d'hir Aarbechtsberäicher festleet.
Nodeems déi eenzel Kandidaten op e Kommissärsposte vum Europäesche Parlament ausgefrot goufen (wouropshin ee Kandidat huet missen ersat ginn), huet d'Parlament den 22. Oktober 2014 mat 423 dofir an 209 dergéint (bei 67 Enthalungen) der Juncker-Kommissioun säi Vertrauen ausgeschwat.
D'Commissairë schaffen a sougenannte Clusteren (am Ganze fënnef) zesummen, d. h. a Politikberäicher, déi ënner dës 5 Rubricke falen (si entspriechen deene vum EU-Budget):