Konstitutionell Monarchie

Vu Wikipedia, der fräier Enzyklopedie.

Eng konstitutionell Monarchie ass eng Regierungsform, déi e Monarch, gewielt oder duerch Ierfschaft als Staatschef unerkennt, mee wou d'Muecht vum Monarch duerch eng Konstitutioun limitéiert ass.

Déi modern konstitutionell Monarchien si meeschtens parlamentaresch Monarchien mat engem System vun der Gewaltentrennung, wou de Monarch de symbolesche Chef vun der Exekutiv ass. An der Praxis iwwerhëllt dës Roll e Premier Minister, dee vum Parlament ënnerstëtzt gëtt.

De Monarch, den onofhängeg vu politesche Parteien ass, huet virun allem eng symbolesch Roll, als Garant vun der Konstitutioun an der Demokratie, dem nationalen Zesummenhalt, der Integritéit vum Territoire, mee och als Symbol vun der historescher Kontituitéit vum Staat, Representant a Garant vu sengen Interessen am Ausland. De Monarch kann och e Recht op Rotschléi a Warnungen zu der Politik vum Gouvernement hunn, an en Arbitter am Fall vun enger politescher Kris sinn. Aus dësem Grond spillt de Monarch eng neutral Roll, a kënnt och als Mediateur zum Asaz ¹. De parlamentaresche Monarch regéiert, mee gouvernéiert net, oder fir ët mam Adolphe Thiers senge Wierder ze soen:

Le roi n'administre pas, ne gouverne pas, il règne.

De Monarch duerch Ierfschaft kann e Kinnek oder eng Kinnigin sinn, wéi ët an de meeschten europäesche Monarchien de Fall ass, mee och e Groussherzog, wéi zu Lëtzebuerg, oder e Prënz, wéi zu Monaco oder Liechtenstein, oder och e Keeser, wéi a Japan.

D'Konzept vun enger konstitutioneller Monarchie kënnt aus den absolute Monarchien vum Enn vum Mëttelalter, wou d'Autoritéit vum Gouvernement duerch de Monarch a säi Gouvernement ausgeübt ginn ass. Duerch den Developpement vun der Bedeelegung vun der Bevëlkerung an den Demokratien ass d'Muecht bei Versammlungen a Parlamenter iwwergaangen, fir méi demokratesch Systemer an d'Liewen ze ruffen.

An enger konstitutioneller Monarchie geet de Poste vum Staatschef an der kinneklecher Famill weider. De Staatschef ass an der Theorie responsabel fir d'Exekutive, wat och Ausdréck a Formele wéi « Le gouvernement de Sa Majesté » erkläert.

Verschidde Konstitutioune schléissen allerdéngs eng Partizipatioun um Gouvernement aus. Dëst ass de Fall a Schweden an a Japan.

[änneren] Konstitutionell Monarchien an der Welt

Staat	Zënter der Konstitutioun vun	Typ	Wahl vum Monarch
Andorra	1993	Coprincipautéit	Bëschof vu La Seu d'Urgell a President vun der franséischer Republik
Antigua a Barbuda	1981	Kinnekräich	Ierflech
Australien	1901	Kinnekräich	Ierflech
Bahamas	1973	Kinnekräich	Ierflech
Bahrain	2002	Kinnekräich	Ierflech
Barbados	1966	Kinnekräich	Ierflech
Belsch	1831	Kinnekräich	Ierflech
Belize	1981	Kinnekräich	Ierflech
Kambodscha	1993	Wahlmonarchie	Gewielt vun de neng Membere vum Trounconseil
Kanada	1867	Kinnekräich	Ierflech
Dänemark	1849	Kinnekräich	Ierflech
Vereenegt Arabesch Emirater	1971	Wahlmonarchie	Gewielt vun de siwen Emiren
Spuenien	1978	Kinnekräich	Ierflech
Grenada	1974	Kinnekräich	Ierflech
Salomonen	1978	Kinnekräich	Ierflech
Jamaika	1962	Kinnekräich	Ierflech
Japan	1946	Keeserräich	Ierflech
Jordanien	1952	Kinnekräich	Ierflech
Kuwait	1962	Emirat	Ierflech, mat der Zoustëmmung vun der Famill Al-Sabah an der Majofitéit vun der Nationalversammlung
Lesotho	1993	Kinnekräich	Ierflech mat der Zoustëmmung vum Cheffekollegium
Liechtenstein	1862	Principautéit	Ierflech
Lëtzebuerg	1868	Groussherzogtum	Ierflech
Malaysia	1957	Wahlmonarchie	Gewielt vun den neng Sultane vun de malaiesche Staaten
Monaco	1911	Principautéit	Ierflech
Marokko	1962	Kinnekräich	Ierflech
Nepal	1991	Kinnekräich	Ierflech
Neiséiland	1840	Kinnekräich	Ierflech
Norwegen	1814	Kinnekräich	Ierflech
Papua-Neiguinea	1975	Kinnekräich	Ierflech
Holland	1815	Kinnekräich	Ierflech
Groussbritannien	1688	Kinnekräich	Ierflech
Saint Kitts an Nevis	1983	Kinnekräich	Ierflech
Saint Lucia	1979	Kinnekräich	Ierflech
St. Vincent an d'Grenadinen	1979	Kinnekräich	Ierflech
Schweden	1719	Kinnekräich	Ierflech
Thailand	1997	Kinnekräich	Ierflech
Tonga	1970	Kinnekräich	Ierflech
Tuvalu	1978	Kinnekräich	Ierflech

[änneren] Eeler konstitutionell Monarchien

Verschidde Länner haten och de Versuch vun enger konstitutioneller Monarchie gewot, allerdéngs si si spéider nees zum republikanesche System zeréckkomm :

• Frankräich: 1830 - 1848 mat der Julimonarchie;
• Däitschland: 1871 - 1919 mam Däitsche Keeserräich.

[änneren] Notizen a Referenzen

¹: Benjamin Constant