Lëscht vun de lëtzebuergesche Riedensaarten

Dës Lëscht vun de lëtzebuergesche Riedensaarten ass en Deel vun de Referenztabellen.

Inhaltsverzeechnes A B C D E F G H I J K L M N O P Q R S T U V W X Y Z

A

• En A op ee geheien (an ee verléift sinn)
• Een am A behalen (op een oppassen, een observéieren)
• Mam lénksen A an déi riets Täsch kucken (balucken)
• En A zoudrécken (maache wéi wann een eppes net gesinn/an Uecht geholl hätt)
• Een op d'A drécken (een uschmieren)
• Do ginn engem d'Aen op wéi Ginzescheeken
• Sech wéi d'Aaxt am Bësch behuelen (sech total derniewent behuelen)
• Se net méi all hunn (eppes Oniwwerluechtenes, Verrécktes maachen)
• Näischt gesot ass och eng Äntwert
• Äppel a Bire vergläichen (zwou Saache matenee vergläichen déi näischt mateneen ze dinn hunn)
• Den Aarsch op hunn (se net méi all hunn)
• Den Aarsch oprappen (ee vernennen)
• En Aarsch wéi e Brauereispäerd hunn
• Een Aarschkrécher (een, deen iwwerméisseg schmeechelt)
• Briech der d'Auer net (ëmmer mat der Rou, iwwerhuel dech net)

B

• D'Baach eragoen (wann aus eppes näischt gëtt, zerstéieren, futti maachen, eppes verléieren)
• Bal ass keng Maus an der Fal
• Een op de Bam dreiwen (ee rose maachen)
• Duerch d'Bascht sinn (sech ewech maachen, fort goen)
• Sech de Batti stellen (sech den Domme stellen, Topegkeete maachen)
• Engem de Bauch pinselen (engem schmeechelen)
• Vu lauter Beem de Bësch net méi gesinn (eppes net erkennen obwuel et no läit)
• Béimescht Duerf
• D'Bengele bei d'Tromm geheien (ophalen, opginn)
• Am Bësch sinn (näischt matkréien)
• Keen Holz mat an de Bësch huelen
• Wéi een an de Bësch rifft, sou schaalt et erëm
• Déi Gutt sinn déi Bescht an du bass där keen (auswäichend Äntwert op eng generell Fro)
• De Bëseler hunn (wibbeleg, nervös sinn)
• Sech wéi e Bettseecher schummen
• Iwwert de Bierg sinn (wann et engem besser geet)och: iwwer dem Kand sinn
• Aus Maulefskéip Bierger maachen (iwwerdreiwen)
• Léie wéi e Biischtebënner
• Saufe wéi e Biischtebënner
• Kee Blat virun de Mond huelen (riicht eraus schwätzen)
• Blech schwätzen (Dommheeten erzielen)
• Blo a rout ass Baueremoud (eppes passt net zesummen)
• Bludde ewéi e Rand
• Blutt geleckt hunn (wann ee sech mat eppes befaasst, dat een duerno net méi lass léisst)
• Engem weise wou de Bock d'Lach huet
• Rutsch mer dach de Bockel erof (du kanns mech emol)
• De Botter vun der Schmier rappen
• Si huet d'Box un (d'Fra ass Meeschter am Stot)
• Nëmmen eng Box am Aarsch gehat hunn (Fréier ganz onbemëttelt gewiescht sinn)
• Engem duerch siwe Boxen an den Aarsch kucken (Onverschimmt indiskret sinn)
• D'Box voll hunn (Angscht hunn, es genuch hunn)
• Ëm de Bräi fueren (net riicht eraus froen)
• Engem mol de Brëll opdoen (Een emol richteg opklären)
• Brëlle wéi e Mauliesel (haart jäizen)
• Eng Briquette bäileeën
• Brenne wéi Zitz (eppes wat ganz liicht a séier brennt)
• Eng mat der Broutschéiss hunn (se net méi all hunn)
• Sech een/eppes op d'Broscht huelen (sech mat eppes intensiv beschäftegen)
• En ass Buergermeeschter ginn (en huet den Heewon ëmgetippt)
• Kloer wéi Bullettszopp (ganz kloer)
• Wat de Bauer net kennt dat frësst en net (ni eppes neies ausprobéiere wëllen)
• A ratsch mat der Bom duerch d'Kichen.

C

• Wéi e Camioun kucken (verwonnert sinn)

D

• Eng mat der Dänn hunn (verréckt sinn)
• Mat der Dier an d'Haus falen (eppes ganz ondiplomatesch riichteraus soen)
• Ee virun d'Dier setzen (een aus der Wunneng geheien)
• Viru senger eegener Dier kieren (sech ëm seng eege Saache bekëmmeren)
• Gi mer virun d'Dier? Oder soll ech den Trottoir rabréngen? (wann een eng Kläpperei well ufänken)
• Domm gaang
• Domm gebuer, näischt geléiert an d'Halschent vergiess
• Domm si wéi siwe Schëppe Kazebräi
• Domm si wéi siwe Sai knaschteg
• Domm wi Stréi
• En ass en Dräibiz
• am Donkelen ass gutt monkelen
• am Donkele fëschen
• Dronkenellen ausgoen
• Iwwert den Duuscht gedronk
  • Eng am Been hunn
  • Eng am Biz
  • Eng am Kanelli
  • De Känki voll
  • D'Panz voll
  • Schif gelueden
  • De Känki gediebelt
  • Eng am Ginz
• Engem en Dar am A sinn (et geet deem net, et passt deem net)

E

• Engem gläiche wéi een Ee deem aneren (bal d'selwecht ausgesinn)
• Den Eefalt markéieren
• Engem den Eefalt stäipen (ee (finanziell) ënnerstëtzen, obwuel deen den Eefalt markéiert)
• En Eck ewech hunn (verréckt sinn)
• Een ëm den Eck bréngen
• Eppes aus dem Effeff kënnen
• Elle wéi d'Nuecht sinn (net schéi sinn)
• Ëmgedréint ass och gefuer (et geet och anescht)
• Mat den Enner zesummekommen
• Sech an eppes erareiden (an eng komplizéiert Situation geroden)

F

• Faarf bekennen (soen zu weem een hält)
• Dat schléit dem Faass de Buedem aus
• Dat bréngt d'Faass zum Iwwerlafen
• Duerch d'Fale léieren d'Kanner goen
• De Fanger nach an d'Wonn leeën (eppes nach méi schlëmm maache wéi et schonn ass)
• Engem e Fanger maachen
• Op d'Fangere kucken
• Duerch d'Fangere kucken
• Seng Fangeren am Spill hunn (eppes mat eppes ze dinn hunn)
• Op eppes passe wéi d'Fauscht op d'A (gutt beienee passen)
• Feier an der Box hunn
• Feier a Flam sinn (begeeschtert vun eppes sinn)
• Rëm op d'Féiss falen
• Mat zwéi Féiss um Buedem stoen (e gesonde Mënscheverstand hunn)
• Kal Féiss kréien
• Fëmme wéi e Schaaschtesch
• Fëmme wéi en Tierk
• D'Fléi néitzen héiren (luusseg sinn)
• Fräschen am Bauch hunn
• De Fuedem verléieren (duerch eppes gestéiert ginn, an doduerch net méi wëssen, wat ee soen oder maache wollt.)
• E Fouss hannebäi kréien (kee Merci kréien)
• Kee Fouss faassen
• E Fuerz queesch hunn
• E Fuerz am Kapp hunn
• maach lo hei keng Fisematenten

G

• Laache wéi e Geck
• Gecke sinn och Leit, just keng wéi déi aner
• Gedeessems maachen (eppes opféieren)
• Vun allen gudde Geeschter verlooss sinn (verréckt sinn)
• Gehäit sinn
• Géi mat Gott, awer géi
• Vill Geschwätz a wéineg Fett mécht moer Zoppen
• Gestengegt ginn (Grouss Virwërf gemaach kréien)
• An d' Gette goen (vu Schwächt zesummebriechen)
• Getten zéien (fortlafen)
• En huet an de giischter Pëtz gekuckt (bezeechent e liichtgleewege Mënsch)
• D'Gléck geet dem Soff no.
• Gottes Waasser iwwer Gottes Land lafe loossen
• An d'Gras bäissen (stierwen)
• D' Gras wuessen héieren
• Gréngs glëschten
• Hues de schonns ee grénge Fuuss gesinn??

H

• Keng Hamen a keng Mamen hunn
• Vun der Hand an de Mond liewen (näischt op d'Säit leeën, all Su ausginn)
• Vun der Hand an den Zand liewen (näischt op d'Säit leeën, all Su ausginn)
• D'Hand iwwer een halen
• Eng Hand wäscht déi aner
• Aus der Haut fueren
• Een hanne lecken
• Senger Hänn kee Rod wëssen
• Hätten an hate sinn zwéin aarm Staaten
• Net vun der Heck gepléckt sinn
• An d'Héiluucht goen
• Eng Laach hu wéi eng Héngerseech
• Mengen et hätt een der Herrgott mat der décker Zéif (menge wat wonnesch datt een hätt)
• vun Hippchen op Hapchen sprangen
• Hoer op der Zong hunn
• Falschen Hond
• Den Hond hänke goen (auswäichend Äntwert op d'Fro wou een higeet)
• Do läit den Hond begruewen
• Dem Honn hanne leien
• Bekannt sinn, wéi e bonten Hond
• Engem geet den Hutt héich
• et gëtt Holz op e getässelt

I

• Véirel op kal Ierbessen, wa se waarm si kriss de se z'iessen (auswäichend Äntwert op d'Fro wéivill Auer et ass)

J

• Zu eppes Jo an Amen soen
• Mäi léiwe Jolli
• Soss hëlt dech der Jomer

K

• Kabes schwätzen
• Un engem sengem Käfeg rabbelen
• Esouvill vun eppes verstoe wéi d'Kallef vun der Houmass
• Kalenneren (mat de Gedanke vun eppes net méi lass kommen; däitsch: grübeln)
• D'Kanner kommen éischter wéi d'Renten
• Wat ee net am Kapp huet, dat huet een an de Been
• Kapp a Fouss hunn
• Kapp an Aarsch matenee sinn
• Dat huet kee Kapp a kee Schwanz!
• Mam Kapp duerch d'Mauer goen
• Säi Kapp a Rou leeën
• Iwwerall derbäi si wou eng Kaz geschleeft gëtt
• Leck d'Kaz an der Täsch
• Leck d'Kaz do wou se keng Buuschten huet
• Fir d'Kaz sinn
• D'Kaz duerch Baach schleefen
• Do fënnt keng Kaz hir Jonger méi erëm (do fënnt ee guer näischt méi erëm)
• Eng Kaz am Sak kafen
• Goe wou de Keeser zu Fouss geet (op d'Toilett goen)
• Sech op de Kënn späitzen
• De Kéis hunn (d'Flemm mat eppes hunn)
• De Kéis kréien (vernannt ginn)
• Aus der Këscht sprangen (plëtzlech d'Beherrschung verléieren a ganz rose ginn)
• Maachen datt d'Kierch am Duerf bleift
• D'Kierch am Duerf loossen (net iwwerdreiwen)
• Arem wéi eng Kierchemaus
• Wen op d'Kiermes geet, verléiert seng Plaz
• Mat him ass et net gutt Kiischten iessen
• Gewuer gi wat d'Pond Kiischte kascht
• Ënner aller Klarinett sinn (ganz schlecht sinn)
• Net aus de Kleeder kommen
• Nach un de Kleesche gleewen (naiv sinn)
• Deen huet d'Klibbersuen nach an der Täsch (deen ass knéckeg)
• Eppes iwwert de Knéi briechen
• D'Knëppele bei d'Tromm geheien (opginn)
• Mat engem Kopp an Oarsch sinn (mat engem eng onzertrennlech Frëndschaft hunn)
• Dra kucke wéi eng Kou, déi an d'Baach pisst
• Kraache Kar (een deen al, teekelech a kränklech ass)
• D'Kräiz iwwert eppes maachen
• Do läit d'Kromm an der Heck
• Engem e Kuerf ginn (engem Freier oder enger Freiesch nee soen oder e/se verloossen)
• Bäi engem duerch de Kuerf sinn (bei engem näischt méi ze radetten hunn)
• Kuuschteg sinn (oder: ginn)
• Mir wäerten dat Kand scho schaukelen
• Kotzeg ginn (beleidegt ginn)
• Hien ass gescheit wéi e Koup Kräsi
• En Aarsch wéi e Kasärestack hunn

L

• Um leschte Lach päifen
• An d'Lach kucken
• Engem Lächer an de Bauch froen
• Et ass net d'Lämmchen, wéi en de Pelz dréit
• Vum Lämmes gebass sinn
• Mat sengem Latäin um Enn sinn
• Iwwert ee Leescht gezu sinn
• Een éiweg um Läpp hunn (Een ëmmer hanneru sech hunn an em net lass ginn)
• D'Läppen henke loossen (traureg sinn)
• De Läffel ofginn
• Ee lénks leieloossen
• Engem d'Levite liesen
• Léie wéi gedréckt
• Ee bei d'Lisett loossen
• E Luussert sinn

M

• Sech de schéine Männche maachen
• O Mamm, o Kanner!
• Een op d'Maul schloen, datt d'Zänn em am Aarsch Piano spillen
• Wëssen, wou een der Méck d'Blutt hëlt
• Eng Méck maachen
• Ugi wéi e Sak voll plakeg Mécken
• Ëmfale wéi d'Mécken
• Nuets vu plakege Mécke dreemen
• Mengen a Botter schäissen ass zweeërlee
• Da meng alt!
• Een dee mengt, dee weess näischt (een dee seet "ech mengen", deen ass sech net sécher vun deem wat en erzielt)
• Midd wéi siwe Mikkimausen
• Mir näischt, dir näischt (einfach esou, klammheemlech)
• Moie Misch!
• Et ass ee wéi der Giedel hire Mischi
• Hannert dem Mound liewen (net Bescheed wëssen, net um aktuelle Stand sinn)
• Mir fäerten keng Maus, a wann et e Ridd wier!
• Si sinn am Gaang ze maulafen

N

• Neel mat Käpp maachen
• Nidderträchteg si wéi en Iesel voller Fierz
• Glat ewéi en Nonnebauch
• Nonnefleesch u sech hunn
• Eng op d'Noss kréien (oder: engem eng op d'Noss ginn)
• Dat preisescht Nuesschnappech huelen

O

• D'Kar virun den Ochs spanen
• Do stoen wéi den Ochs virum Bierg
• Säin Otem spueren
• Ganz Ouer sinn
• Sech eppes hannert d'Ouere schreiwen
• Nach net dréchen hannert den Ouere sinn
• Nach gréng hannert den Oueren sinn
• Schreif dir et hannert d'Oueren

P

• Op d'héicht Päerd klammen (oder: um héije Päerd sinn) (sech opbauschen, sech eräiferen, keng Widderried akzeptéieren)
• Säi Pak huelen (opginn)
• Säi Pak maache (fortgoen)
• Engem de Paltong zéien
• Eng mat der Pan hunn
• D'Pans gerappt kréien (oder: eng Pansrappecht kréien) (vernannt ginn)
• DPans schwenken (zum Beschte ginn)
• Et sinn der méi am Patt erdronk ewéi am Pull (den Alkohol fuerdert méi Doudesaffer wéi d'Mier)
• Mengen, et misst een an e Patt fuerzen
• Gerëscht wéi e Pëngschtochs
• Géi dohinner, wou de Peffer wiisst!
• Säi Pefferkär bäiginn
• Mat allem Pipapo
• Eng Piss ouni Fuerz ass wéi eng Kap oni Stuerz
• Deele wéi d'Pissinger mat de Kueben (ongerecht deelen)
• Een op d'Plaz setzen
• Gewuer ginn, wat d'Pond Kiischte kaschten
• Wou et d'Moud ass, séngt e Pompernéckel an der Kierch
• Et gëtt erëm alles gutt, et ass nach Puddeng am Schaf (Erweiderung: ..dofir ass awer kee Läffel méi do)

Q

• Quecksëlwer an den Oderen hunn
• Quetschen och

R

• Näischt ze radetten hunn
• Rapp a Klapp sinn
• Eng mat der Ratsch hunn
• Aus der Rei danzen
• Näischt ze räissen an näischt ze bäissen

S

• Aner Säiten opzéien (sech änneren; méi streng ginn)
• Iess Salz, da gëss de duuschtereg (als Äntwert op de Saz "Ech sinn hongereg."; meeschtens wann de Saz vu Kanner kënnt déi quengeleg sinn a sech net ginn)
• Engem eppes op eng Salztut schreiwen
• Op Sand bauen
• Renne wéi eng Sau
• Se net méi all am Schaf hun (duerchgedréint)
• Domm wéi siwe Schappe Schäissdreck sinn
• En ass d'Scheefchen net wéi en d'Woll dréit
• Mat der Scheierpaart wénken
• Op d'Schëff schécken
• Ee Schëmmel a Bless vernennen
• Eng Schëpp bäileeën
• Een op d'Schëpp huelen
• Rënnen wéi eng Seibecken
• Séier ewéi de Blëtz
• Engem op d'Schlapp(en) (oder: d'Strëmp) goen
• Schlofe wéi e Rat
• Schlofe wéi e Muermeldéier
• Un de Schnësser erkennt een d'Schwäin
• Et ass fir op e Schof ze klammen, a wann et nëmmen ass fir méi wäit ze kucken
• D'schwaarzt Schof sinn
• eng Schrauf locker hunn
• Schwammen wéi eng bläien Int
• Engem eppes schwaarz op wäiss ginn
• Schwätz oder schäiss Buschtawen
• Schweesse wéi eng Sängerin (immens schweessen)
• En ass an d'Schwämm Billjeeë rappen
• Schung (oder: Schlappen) an Huese verléieren
• De Schwanz bäizéien
• Spéin hunn
• Sech eppes hannert de Spigel stiechen
• Sech aus dem Stëbs maachen
• Um leschte Steiwer wunnen
• Engem net fir fënnef Su trauen
• mat Kanounen op Spatze schéisen
• eng Schnëss dei ass net voll ze schäissen
• Drafache wéi d'Sau an de Bräi

T

• Um Teppech bleiwen
• Den Trick 17
• Vun tuten a blose keng Ahnung hunn
• An fir de Rescht Telleren an Tasen (wann een Deel interessant/wichteg ass an de Rescht net)

U

• Ween iwwert den Ues kënnt, dee kënnt och iwwert de Schwanz (ween dat Schwéiert gepackt huet, dee packt och nach de klenge Rescht)
• Ugi wéi eng Tut plakeg Mécken

V

• Vir bäi an hanne widder sinn
• Verhouert wéi dem Jupp säin Iesel

W

• Waasser a säi Wäi schëdden
• Ze no um Waasser gebaut hunn
• Mat alle Waassere gewäsch sinn
• Watschele wéi eng Gäns
• Engem op de Wecker goen
• Well ass keng Äntwert
• Déi Wëll, déi lafen am Bësch (gëtt meeschtens als Äntwert benotzt fir kleng Kanner déi quengeleg sinn, an onbedingt eppes "wëllen" hunn)
• Engem d'Wierder am Mond verdréinen
• Seng Wierder friesse mussen
• Engem de Wiermchen zéien (ee mat Froe buere bis datt een endlech déi ganz Geschicht oder hire Fong héieren huet)
• Den Honger dreift de Wollef aus dem Bësch
• De Wollef am Schofspelz
• Dat leschte Wuert hunn

X

• Engem en X fir en U virmaachen

Y

• Y ass net Z

Z

• Engem d'Zänn weisen
• Datt Zänn am Arsch Piano spillen
• Um Zännfleesch lafen
• Gutt doe bis an déi déck Zéif
• Engem eng Zigar verpassen
• Engem mam Aarsch an d'Zänn sprangen
• Engem op den Zant fillen
• En Zant zouleeën
• Wéi eng naas Zeitung (wann eppes schlecht ass)
• Ziddere wéi Espelaf
• Engem Zocker an den Aarsch blosen
• Zodi maachen (oder: schloen)
• Et gëtt Zopp an z'iessen
• Zoppnaass sinn (ganz naass sinn)