Leopoldo Elia

Vu Wikipedia
Wiesselen op: Navigatioun, sichen

De Leopoldo Elia gebuer de 4. November 1925 zu Fano, a gestuerwen de 5. Oktober 2008 zu Roum, war en italienesche Jurist a Politiker.

1976 gouf den Elia vum italienesche Parlament als Riichter um Verfassungsgeriicht gewielt, vun deem e vun 1981 bis 1985 de President war.

1987 gouf en op der Lëscht vun der Democrazia Cristiana an de Senat gewielt. Vun 1992 bis 1994 war e Member vun der Chamber. 1996 gouf en erëm als Senator gewielt, déi Kéier op der Lëscht vun der Ulivo.

An der Regierung vum Ministerpresident Ciampi war hie vun 1993 bis 1994 Minister fir Reforme vum Walrecht a vun den Institutiounen. Vum 19. Abrëll bis den 10. Mee 1994 war en Ausseminister vun Italien.

Als Professer fir Verfassungsrecht huet hien op e puer Universitéiten enseignéiert, an huet e puer Monographien an Essaie geschriwwen.