Lepus (Stärebild)

Date vum Stärebild Lepus
Lëtzebuergeschen Numm	Hues
Laténgeschen Numm	Lepus
Laténgesche Genitiv	Leporis
Laténgesch Ofkierzung	Lep
Rektaszensioun	4h 55m bis 6h 12 m
Deklinatioun	-27° 16' bis -10° 48'
Fläch	290 Quadratgrad
Siichtbar op de Breedegraden	60° Nord bis 90° Süd
Observatiounszäitraum fir Mëtteleuropa	Wanter
Zuel vu Stären mat Gréisst < 3m	2
Hellste Stär, Gréisst	Ameb (α Leporis), 2,58m
Meteorstréim	-
Nopeschstärebiller (vun Norden am Auerzäresënn)	Orion Eridanus Caelum Columba Canis Major Monoceros
Kaart vum Stärebild Lepus

Den Hues (Latäin: Lepus) ass e Stärebild an der Géigend vum Himmelsequator.

Beschreiwung

De Lepus ass südlech vum opfällegen Orion ze fannen. Vu Mëtteleuropa aus steet d'Stärebild am Wanter déif iwwer dem Südhimmel.

Zwéi vu senge Stäre si méi hell wéi déi 3. Gréissteklass.

Am Lepus fanne mer de Kugelstärekoup M79

Geschicht

De Lepus gehéiert zu de klasseschen 48 Stärebiller vun der antiker Astronomie, déi schonns dem Ptolemäus bekannt waren.

Himmelsobjeten

Stären

B	F	Nimm o. aner Bezeechnungen	Gréisst	Lj	Spektralklass
α	11	Arneb, Arnab	2,58m	1200	F0 Ib
β	9	Nihal, Nibal	2,81m	159	G4 II
μ	5		3,0 bis 3,4m	200	B9 III
ε	2		3,19m	150	K5 III
ζ	14		3,55m	80	A3 V
γ	13		3,59m	26	F6 + G5
η	16		3,71m	70	F0 Iv
δ	15		3,76m	150	G8 III
λ			4,29m
κ			4,36m	250	B8 + F1
ι			4,45m
θ			4,67m
	17		4,92m
	19		5,28m
ν			5,25m
		R, Karmesinstärn, Purpurstär vum Hind	5,5 bis 11,7m
	10		5,53m
	1		5,74m
	12		5,88m
		Gliese 229	8,14m

Den α Leporis ass ronn 200 Liichtjoer vun eis ewech. De Stär gehéiert zu der Spektralklass F0 Ib. Et handelt sech ëm e Stär, mat der 10facher Mass an dem 75fachen Duerchmiesser an der 13.000 facher Liichtkraaft vun eiser Sonn.
Den Numm „Arneb“ ass arabesch a leet sech of vun „al arnah“ fir „Hues“.

De β Leporis ass 159 Liichtjoer vun eis ewech. Et ass e Risestär an e liicht giel. Seng Spektralklass ass G4 II.
Den Numm „Nihal“ ass arabesch a bedeit souvill wéi „Kaméiler, déi hiren Duuscht läschen“.

De Stär Gliese 229 läit op enger Distanz vun 19 Liichtjoer, an ass ee vun de Nopere vun eiser Sonn. Et handelt sech ëm e rouden Zwergstär mat der Spektralklass M1 V. Am Joer 1998 gouf e Beleetstär, e Brongen Zwerg mat der 20 bis 50facher Mass vum Planéit Jupiter nogewisen.

Duebelstären

System	Gréissten	Ofstand
γ	3,6/6,2m	97"
κ Lep	4,4/7,3m	2,6"

Den γ Leporis ass en Duebelstäresystem op enger Distanz vun nëmme 26 Liichtjoer. Déi zwou Komponente kënnen schonns mat engem klengen Teleskop gedeelt ginn.

Verännerlech Stären

Stär	Gréisst	Period	Typ
μ Lep	3,0m bis 3,4m	ca. 2 Deeg	hallefregelméisseg Verännerlecher
RX Lep	5,0 bis 7,0m	onregelméisseg	onregelméisseg Verännerlecher
R	5,5 bis 11,7m	430 Deeg	Mira-Stär

Op enger Distanz vun 200 Liichtjoer steet den μ Leporis. Et ass e verännerleche Stär, deem seng Hellegkeet mat enger Period vu ronn 2 Deeg ëm 0,2 Gréissteklassen variéiert.

Den RX Leporis steet 500 Liichtjoer vun eis ewech an ännert seng Hellegkeet ouni eng erkennbar Period.

Den R Leporis steet op enger Distanz vun 3000 Liichtjoer. Et ass en extrem liichtkräftege Stär vum Typ Mira, dee seng Hellegkeet während engem Zäitraum vu ronn 430 Deeg staark verännert. Hie gehéiert zu der Spektralklass C6 II an ass ee vun deene roudelzechen Objeten um Nuetshimmel. Heiansdo gëtt hien och „Karmesinstär“ oder „dem Hind säi Purpurstär“ genannt, no dem briteschen Astronom John Russell Hind, dee seng Verännerlechkeet beschriwwen huet.

Messier- an NGC-Objeten

Messier (M)	NGC	aner	Gréisst	Typ	Numm
79	1904		8m	Kugelstärekoup

Am Stärebild Lepus ass och de Kugelstärekoup M 79, dee ronn 40.000 Liichtjoer vun eisem Sonnesystem ewech läit.

Kuckt och

Portal Astronomie

• Lëscht vu Stärebiller
• ABC vun de Stären
• Void

Um Spaweck

Commons: Lepus (constellation) – Biller, Videoen oder Audiodateien