Liichtvitesse

D'Liichtvitesse ass déi Vitesse mat där sech d'Liicht beweegt. Zënter dem Albert Einstein senger spezieller Relativitéitstheorie ass gewosst, datt d'Liicht sech ëmmer mat därselwechter Geschwënnegkeet duerch de Vakuum beweegt. Dofir ass d'Liichtvitesse hautdesdaags eng wichteg physikalesch Konstant.

D'Liichtvitesse gëtt an der Physik mam Buschtaf c ofgekierzt an hire Wäert ass:

$c= 299\; 792\; 458\;\; \frac{m}{s}$

Well dëse Wäert eng Konstant ass, also ni ännert, gëtt zënter dem 1. Oktober 1983 d'Längt vun engem Meter mat Hëllef vun der Liichtvitesse definéiert. Deemno ass ee Meter genee déi Distanz, déi d'Liicht am Vakuum an enger 1/299.792.458 Sekonn zeréckleet.

Kuckt och

• Physik
• SI-Eenheetesystem

Um Spaweck

Commons: Liichtegeschwënnegkeet – Biller, Videoen oder Audiodateien