Louis II. vu Frankräich

Vu Wikipedia
Wiesselen op: Navigatioun, sichen
Louis II. vu Frankräich

De Louis II. genannt den Tuddeler, gebuer 846, gestuerwen 879 zu Compiègne, war deen eenzege Jong vum Charles II. dem Plakapp, deen iwwerlieft hat.

Am Februar 856, wéi säi Papp nach gelieft huet, gouf e Kinnek, woubäi e wahrscheinlech Neustrien krut; am Mäerz 867 krut en d'Aquitaine als Ënnerkinnekräich. Nom Doud vu sengem Papp, de 6. Oktober 877, gouf en de 7. September 878 vum Poopst Jean VIII. zu Troyes zum Kinnek gekréint. Mä schonn dat Joer drop ass en zu Compiègne gestuerwen, wou en och begruewe gouf.

Nokommen[änneren | Quelltext änneren]

Éischt Bestietnes: am Mäerz 862 mam Ansgarde, der Duechter vum Grof Harduin; 866 nees gescheet, d'Ansgarde ass op engem 2. November gestuerwen, méiglecherweis 879.

Zweet Bestietnes: géint 875 mam Adelheid, der Duechter vum Adalhard, déi den 18. November wahrscheinlech 901 gestuerwen ass.

Commons: Louis II of France – Biller, Videoen oder Audiodateien