Loutrengen

Vu Wikipedia
Wiesselen op: Navigatioun, sichen
Loutrengen - Lorraine
Blason Lorraine grand.PNG
Departementer Blason département fr Meurthe-et-Moselle.svg Meurthe-et-Moselle (54)
Blason département fr Meuse.svg Meuse (55)
Blason département fr Moselle.svg Moselle (57)
Blason département fr Vosges.svg Vosges (88)
Préfecture Metz
Awunner 2 343 000 Awunner
Bevëlkerungsdicht 98 Aw./km²
Fläch 23 547 km²
Arrondissementer 19
Kantonen 157
Gemengen 2 339
President Jean-Pierre Masseret
Lorraine map.png


Loutrengen (fr.: Lorraine) ass eng Regioun am Nord-Osten vu Frankräich. D'Awunner sinn d'Loutrenger (fr.: Lorrains a Lorraines).

Geographie[änneren | Quelltext änneren]

Loutrengen ass déi eenzeg franséisch Regioun déi eng Grenz mat dräi Länner deelt, nämlech mat der Belsch, Lëtzebuerg an Däitschland. Ausserdeem ass Loutrengen d'Nopeschregioun vum Elsass, der Regioun Champagne-Ardenne an der Franche-Comté.

Dës Situatioun ass op strategeschem Plang e kloeren Avantage fir d'Regioun.

Geschicht[änneren | Quelltext änneren]

Den Ursprong huet Loutrengen am karolingesche Kinnekräich Lotharingie. Wéi d'Kinnekräich verschwënnt, gëtt vu béide Säiten u Loutrengen gerappt, vum Hellege Réimesche Räich a vu Frankräich. Obwuel d'Räich ufanks nach d'Nues fir huet, verléieren d'Keeseren awer am Laf vun der Zäit ëmmer méi d'Kontroll iwwer Loutrengen, zugonschte vu Frankräich. Trotz de méi rezenten däitsche Versich vun 1871 an 1940 gehéiert Loutrengen haut zu Frankräich. Eng etlech Leit un der elsässescher an däitscher Grenz (Departement Moselle) schwätzen haut nach, nieft franséisch, en däitschen Dialekt.

Literatur zur Geschicht[änneren | Quelltext änneren]

  • Jean Vartier, Histoire de la Lorraine ; Paräis (France-Empire), 1994; 323 Säiten. ISBN 2-7048-0741-8
  • Guy Cabourdin & Claude Gérard, Lorraine d'hier, Lorraine d'aujourd'hui ; Nanzeg (Presses universitaires de Nancy) & Metz (Éditions Serpenoise), 1987; 231 Säiten. ISBN 2-86480-298-8 & ISBN 2-87692-000-X
  • D. Mathieu (Abbé), L'Ancien Régime dans la province de Lorraine et Barrois d'après des documents inédits (1698-1789) ; Paräis (Hachette & Libraires-Éditeurs), 1879; 469 Säiten.

Economie[änneren | Quelltext änneren]

Mat 44 Milliarden Euro produzéiert Loutrengen 3,4 % vum franséische BIP, wat d'Regioun op déi 8. Plaz vun den 22 Regioune bréngt. D'Servicer fir Entreprisen an d'Logistik sinn déi zwéi Secteuren, wou een déi stäerkst Progressioun feststelle kann. Parallel dozou verschlechtert sech d'Situatioun vun den traditionellen Industrien (Textil, Metallurgie). Konsequenz dovun ass en héije Chômage-Taux.

Kultur[änneren | Quelltext änneren]

Duerch seng geographesch Lag war a Loutrengen zu allen Zäiten en Austausch tëscht franséischer a germanescher Kultur. Sou hu vill Saache sech mol als éischt a Loutrengen verbreet, éier de Rescht vu Frankräich eppes dovu matkritt huet. Aus Loutrengen kommen och vill kulturell Tendenzen, wouvun déi bekanntst wuel den Art nouveau ass, deen a Frankräich vun der École de Nancy verbreet gouf.

Sprooch[änneren | Quelltext änneren]

Wierderbicher iwwer de loutrengesche Patois[änneren | Quelltext änneren]

  • [1] En Online-Vocabulaire "Du Pays Messin au sud des Vosges, en passant par Fraimbois".
  • [2] Dem Lucien Adam säi Buch "Les patois lorrains" vun 1881 als pdf-Datei op "Gallica".
  • [3] Dem Jaclot säi Buch "Vocabulaire patois du pays messin" vun 1995 als pdf-Datei op "Gallica".
  • [4]. Eng Online-Versioun vum "Wörterbuch der elsässischen Mundarten" vun 1899-1907. Iwwerschafft vum Ernst Martin a vum Hans Lienhart.
  • [5] Online-Versioun vum "Wörterbuch der deutsch-lothringischen Mundarten" vun 1909, iwwerschafft vum Ferdinand Follmann. D'Buch ass eigenlech en Idiotikon, et faasst nëmmen déi Wierder, déi anescht sinn wéi déi vun der Schrëftsprooch.

Bekannt Loutrenger[änneren | Quelltext änneren]

Literatur[änneren | Quelltext änneren]

  • Géologie et géographie de la Lorraine. A. Lexa-Chomard et C. Pautrot (sous la direction de). Editions Serpenoise, 2006. 286 S.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Lorraine – Biller, Videoen oder Audiodateien