Lucien Linden

Vu Wikipedia
Wiesselen op: Navigatioun, sichen

De Lucien Charles Antoine Linden, gebuer den 12. Dezember 1853 zu Ixelles, gestuerwen de 17. Oktober 1940 zu Boitsfort, war e belsche Botaniker.

De Lucien Linden huet, wéi säi Papp, de Jean Linden, ënnersicht, wéi een d'Orchideeën an Europa am beschten ziichte kann. Eng Orchideeënaart, Paphinia lindeniana aus dem tropesche Südamerika, gouf no him benannt.

Méi spéit huet hie sech mat der Zuucht vu Kautschuk-Beem am Belsche Kongo a vu Kaffisplanzen op Java befaasst. Dobäi huet hien och mam Edouard Luja zesummegeschafft.

No 1907 huet hie sech mam Traitement vun Ofwässer beschäftegt.