Luxuriant

Luxuriant ass eng lëtzebuergesch Gratiszäitschrëft, déi 2008 vum Sébastien Vécrin, Pascal Monfort an Arnaud Decker gegrënnt gouf. Si ass op jonk Leit ausgeriicht; Haapttheme sinn "Lifestyle" a Kultur zu Lëtzebuerg an an der Groussregioun. E Schwéierpunkt läit och bei Interviewe vu Museker a Museksgruppen, déi grad am Land passéieren.

Luxuriant kënnt all zwee Méint, eraus, d'Oplag läit bei 20.000 Exemplairen, déi gratis u Baren a Restaurante verdeelt ginn. D'Redaktioun ass an der Hollerecher Strooss an der Stad.

D'Zäitschfrëft hat 2011 véier fest Employéen, och Freelance-Auteuren schreiwen Artikelen.

Si ass haaptsächlech op Franséisch, mee huet och Artikelen op Lëtzebuergesch, Englesch a Portugisesch.

Kuckt och

• Lëscht vun Zeitungen an Zäitschrëften zu Lëtzebuerg

Um Spaweck

• Homepage