Lycée technique de Bonnevoie
.jpg) D'Entrée vum LTB (2022) | |
| (LTB) | |
|---|---|
| Typ | Secondairesschoul, Héichschoul, ëffentlech Schoul |
| Regimm | General, Professionnel, Brevet de technicien supérieur |
| Land | Lëtzebuerg |
| Adress | 119 Rue du Cimetière, L-1338 Lëtzebuerg |
| Leedung | Mike Borschette |
| Schülerzuel | 1.291 |
| September 2022 | |
| Ënnersteet der/dem | Ministère fir Bildung, Kanner a Jugend, Ministère de la Recherche et de l'Enseignement supérieur |
| Gegrënnt | 2. Dezember 1983 |
| Genannt no | Bouneweg |
| Um Spaweck | http://www.ltb.lu/ |
 | |
De Lycée technique de Bonnevoie, kuerz LTB, ass eng ëffentlech lëtzebuergesch Secondaires– an Héichschoul an der Stad Lëtzebuerg, déi am Quartier Bouneweg-Süd läit.
Historique[änneren | Quelltext änneren]
Den 19. Dezember 1953 ass d'Gesetz iwwer d'Beruffsausbildung a Kraaft getrueden[1]. Op Basis vun deem Gesetz ass mam Arrêté ministériel vum 5. Mäerz 1975 um Verluerekascht an der Stad eng Annexe vum Centre d'enseignement professionnel de Luxembourg, der Stater Beruffsschoul, an d'Liewe geruff ginn[2]. Dës Annexe gouf an de Gebaier (Villa Hartmann) vun der Asbl Institut Sainte-Marie – tëscht der Rue Émile-Mayrisch an dem Boulevard Général Patton – installéiert. D'Haushaltsschoul (École professionnelle et ménagère Ste-Marie) déi bis dohin do bestanen huet, gouf an d'Annexe vun der Beruffsschoul integréiert[3]. 398 Schüler an 48 Léierpersoune waren uganks an der Annexe[3]. De Lëtzebuerger Staat hat d'Gebaier am Ufank gelount, huet se awer duerno kaaft, deelweis ëmgeännert an erweidert.
Iwwer d'Joren huet sech erausgestallt, datt déi Infrastrukturen net adaptéiert waren, fir eng ëmmer méi grouss Zuel vu Schüler ënnerzekréien.
Duerch e Gesetz vum 2. Dezember 1983 gouf e fënneften technesche Lycée um Territoire vun der Gemeng Lëtzebuerg an d'Liewe geruff[4], dee mam groussherzogleche Reglement vum 15. Februar 1984 den Numm « Lycée technique de Bonnevoie » krut[5].
D'Regierung krut duerch d'Gesetz vum 22. Juni 1984 d'Erlabnes fir en technesche Lycée zu Bouneweg ze bauen[6]. D'Pläng, déi an engem Concours zeréckgehale goufen, waren déi vum Atelier a + u (Edmond Decker, Martin Lammar, René Massard)[7].
D'Gebai huet 40 Klassesäll, plus aacht fir spezialiséiert Coursen (Daktylographie, Physik, Biologie, Informatik), eng Dosen Ateliere fir d'praktesch Ausbildung (Mechanik, Elektrotechnik, Bitzen, Kachen, e Restaurant, eng Bäckerei an eng Metzlerei, souwéi eng Sportshal[7].
Mat der Rentrée 1989/90 hunn d'Coursen am Gebai an der Kierfechtstrooss ugefaangen[8]. Den …[Wéini ?] 1989 gouf d'Gebai, dat 1,015 Milliarde Lëtzebuerger Frang kascht huet, ageweit.
Virum Gebai gouf eng Monumentalskulptur vum Jeannot Bewing, YBGA genannt, installéiert[9].
Formatiounen[änneren | Quelltext änneren]
Am LTB kann ee follgend Formatioune maachen:
Enseignement général[änneren | Quelltext änneren]
- Ënnescht Klassen: Classes de la voie d'orientation (7G, 6G, 5G, 5AD), Classes de la voie de préparation (7P, 6P, 5P, CIP), Classe d'accueil (7ACCU), Classe d'intégration pour jeunes adultes (CLIJAA)
- Iewescht Klassen: Section administrative et commerciale, Section ingénierie, Section sciences sociales
Formation professionnelle[änneren | Quelltext änneren]
Diplôme de technicien (DT), Diplôme d'aptitude professionnelle (DAP), Certificat de capacité professionnelle (CCP)
BTS[änneren | Quelltext änneren]
Dessinateur et constructeur sur métal
Direkteren[änneren | Quelltext änneren]
- Fred Sunnen
- Jean-Pierre Juttel (bis 2007)
- Jean-Marie Wirtgen (vun 2007 bis September 2017)
- Carole Theisen (vun November 2017 - September 2023)
- Mike Borschette (zanter dem 1. September 2023[10])
Sous-Direkteren[änneren | Quelltext änneren]
fréier[änneren | Quelltext änneren]
- Jean-Marie Wirtgen
- Georges Beck
- Eugène Thill
- Marc Bonvini
- Carole Theisen (2012-2017)
- Pascale Strauss (2017-2019)
- Géraldine Haller (2015-2019)
- Tessy Petro (2014-2023)
- Tom Raths (2018-2023)
aktuell[änneren | Quelltext änneren]
- Lucien Kurtisi (zanter September 2023)
- Géraldine Haller (zanter Oktober 2023)
Kuckt och[änneren | Quelltext änneren]
Um Spaweck[änneren | Quelltext änneren]
| Commons: Lycée technique de Bonnevoie – Biller, Videoen oder Audiodateien |
Referenzen an Notten[Quelltext änneren]
- ↑ Loi du 1er décembre 1953 portant création de centres d'enseignement professionnel pour les apprentis de l'artisanat, du commerce et de l'industrie. legilux.lu (01.12.1953). Gekuckt de(n) 02.10.2022.
- ↑ Arrêté ministériel du 5 mars 1975 portant création d'une annexe du Centre d'enseignement professionnel de Luxembourg à Luxembourg-Verlorenkost. legilux.lu (05.03.1975). Gekuckt de(n) 02.10.2022.
- ↑ 3,0 3,1 Luxemburger Wort, 128. Jg., n° 226, S. 7, Integration der ,Haushaltungsschule’ Verlorenkost in den staatlichen Berufsunterricht. eluxemburgensia.lu (02.10.1975). Gekuckt de(n) 02.10.2022.
- ↑ Loi du 2 décembre 1983 portant création d'un cinquième lycée technique à Luxembourg. legilux.lu (02.12.1983). Gekuckt de(n) 02.10.2022.
- ↑ Règlement grand-ducal du 15 février 1984 octroyant une dénomination particulière au cinquième lycée technique de Luxembourg. legilux.lu (15.02.1984). Gekuckt de(n) 02.10.2022.
- ↑ Loi du 22 juin 1984 autorisant le Gouvernement à procéder à la construction d'un lycée technique à Bonnevoie, y compris les équipements techniques, didactiques et mobiliers ainsi que l'aménagement des alentours. legilux.lu (22.06.1984). Gekuckt de(n) 02.10.2022.
- ↑ 7,0 7,1 Centenaire. Administration des bâtiments publics Luxembourg [sous la direction de Jean Leyder]. Luxembourg 10.2010, S.140-141. ISBN 978-99959-680-0-7.
- ↑ Avis de presse. d'Letzeburger Land, 36. Jg., nº 24, S. 28. (16.06.1989). Gekuckt de(n) 02.10.2022.
- ↑ Sculpture de Jeannot Bewing devant le Lycée technique de Bonnevoie.. d'Letzeburger Land, 38. Jg., nº 44, S. 11 (31.10.1991). Gekuckt de(n) 02.10.2022.
- ↑ (fr)Jérémie Nadé, Le lycée technique de Bonnevoie à la recherche d'une nouvelle image. Gekuckt de(n) 2024-01-31.