Mëtternuechtssonn

Mëtternuechtssonn um Nordkap

Als Mëtternuechtssonn gëtt an de Gebidder nërdlech vum nërdlechen a südlech vum südleche Polarkrees am Summer ëm déi visuell Sonn bezeechent déi ëm Hallefnuecht net ënnergeet.

Beschreiwung

Vun engem Observatiounspunkt direkt um Polarkrees geet d'Sonn eemol am Joer – zum Zäitpunkt vun der Nord- oder Südsummersonnewend – net ënner. Nodeems si am Dageslaf hiren déifste Stand iwwer dem Horizont erreecht huet, klëmmt si nees erop. Wat méi no ee während der Zäit vun der d'Summersonnewend beim Nordpol ass (resp. beim Südpol), ëmsou méi Deeg ass d'Mëtternuechtssonn ze gesinn. Well d'Sonn dobäi net ënnert den Horizont kënnt, schwätzt een vum Polardag. De Polardag misst direkt um geographesche Pol en halleft Joer daueren. Wéinst der Liichtbriechung (Refraktioun) an der Äerdatmosphär dauert de Polardag eppes méi laang wéi en halleft Joer.

Mëtternuechtssonn an Norwegen (vu Süden no Norden)

Plaz	Ieweschte Rand vun der Sonn bleift iwwer Mëtternuecht vum	Déi ganz Sonn ass 24 Stonnen deeglech visuell	Den ieweschte Rand vun der Sonn verschwënnt iwwer Mëtternuecht vum	D'Polarnuecht fänkt un mam	Polar- nuecht- enn
Polarkrees	5. Juni	12. Juni – 1. Juli	6. Juli	—	—
Bodø	31. Mee	4. Juni – 8. Juli	12. Juli	—	—
Svolvær	25. Mee	28. Mee – 14. Juli	18. Juli	7. Dez.	5. Jan.
Harstad	22. Mee	25. Mee – 18. Juli	21. Juli	2. Dez.	10. Jan.
Bardufoss	20. Mee	23. Mee – 19. Juli	22. Juli	30. Nov.	12. Jan.
Andenes	19. Mee	22. Mee – 21. Juli	23. Juli	29. Nov.	13. Jan.
Tromsø	18. Mee	20. Mee – 22. Juli	25. Juli	27. Nov.	15. Jan.
Bossekopp	16. Mee	19. Mee – 24. Juli	26. Juli	25. Nov.	17. Jan.
Vardø	15. Mee	17. Mee – 26. Juli	28. Juli	23. Nov.	19. Jan.
Hammerfest	13. Mee	16. Mee – 27. Juli	29. Juli	22. Nov.	20. Jan.
Berlevåg	13. Mee	15. Mee – 28. Juli	30. Juli	21. Nov.	21. Jan.
Nordkap	11. Mee	14. Mee – 29. Juli	31. Juli	20. Nov.	22. Jan.
Jan Mayen	12. Mee	14. Mee – 28. Juli	30. Juli	20. Nov.	21. Jan.
Bjørnøya	30. Abrëll	1. Mee – 10. Aug.	12. Aug.	7. Nov.	4. Feb.
Hopen	23. Abrëll	25. Abrëll – 17. Aug.	18. Aug.	31. Okt.	10. Feb.
Svea	19. Abrëll	21. Abrëll – 21. Aug.	23. Aug.	27. Okt.	15. Feb.
Barentsburg	19. Abrëll	20. Abrëll – 21. Aug.	23. Aug.	26. Okt.	15. Feb.
Longyearbyen	18. Abrëll	20. Abrëll – 22. Aug.	24. Aug.	26. Okt.	16. Feb.
Pyramiden	17. Abrëll	19. Abrëll – 23. Aug.	25. Aug.	25. Okt.	17. Feb.
Ny-Ålesund	16. Abrëll	18. Abrëll – 24. Aug.	25. Aug.	24. Okt.	18. Feb.
Magdalenafjorden	14. Abrëll	16. Abrëll – 26. Aug.	27. Aug.	22. Okt.	19. Feb.
Rossøya	11. Abrëll	12. Abrëll – 29. Aug.	31. Aug.	19. Okt.	23. Feb.
Nordpol	18. Mäerz	20. Mäerz – 23. Sept.	24. Sept.	25. Sept.	18. Mäerz

Mëtternuechtssonn

Polardag no bei Skibotn

Himmelsmechanik

Déi ënnerschiddlech Deeg- a Nuechtlängten op alle Breeden vun eiser Äerd hunn hir Ursaach an der Achsstellung vun der Äerd zu der Ekliptik, dem Äerdëmlafbunnniveau. Eis Äerdachs steet zum Niveau vun hirer Ëmlafbunn net am Senkel, mä weist eng Wénkelschréiegt vun 23,44 Grad op. Géif d'Äerdachs am Senkel zum Äerdëmlafbunnniveau stoen, da géif d'Sonn op béide Polen während dem ganze Joer genee um Horizont laanscht lafen. Tatsächlech passéiert dëst nëmme fir kuerz Zäit zweemol am Joer an zwar beim astronomeschen Hierscht- a Fréijoersufank.

Begrëfflech Andeelung

De Begrëff Mëtternuechtssonn léisst séier den Iertum opkommen, d'Sonn géif ëmmer hiren déifste Stand um 24:00 Auer kréien. Dat ass wéinst verschiddene Phenomenen op enger bestëmmter Plaz nëmmen nobäi de Fall:

Um Nordkap erreecht d'Mëtternuechtssonn hiren déifste Stand duerchschnëttlech um 23:17 Auer MEZ resp. 00:17 Auer MESZ an ass do vum 11. Mee bis zum 31. Juli ze gesinn, während een op Svalbard d'Mëtternuechtssonn scho vum 20. Abrëll bis 25. August observéiere kann.

Um Spaweck

Commons: Midnight sun (Mëtternuechtssonn) – Biller, Videoen oder Audiodateien

• Mëtternuechtssonn no Breedegrad bei Astronomie.info
• Webcam a Wiederdaten vun der Universitéit Tromsø