Mangelbeek

Vu Wikipedia
D'Mangelbeek zu Lummen

D'Mangelbeek ass eng Baach an der belscher Provënz Limburg.

Et ass eng kleng Baach déi op hirem Laf vu ronn 16 km duerch d'Gemengen Houthalen-Helchteren, Heusden-Zolder a Lummen leeft.

Si entsteet an engem suppegen Dräieck am Oste vun der Uertschaft Lillo, deen tëscht den Nationalstroossen N 715 an N 719, an den Dierfer Lillo an Houthalen läit.

Kuerz viru Lillo kritt se vu riets hiren éischten Niewefloss de 'Winterbeek. Si leeft vun do u weider no Westen, fir 1.500 m méi wäit ënner der SNCB-Linn 15 erduercht ze lafen.

Nërdlech vun Zolder lafen erëm vu riets d'Schaamsbeemdenbeek an d'Berkenbosbeek dran.

Kuerz éier se ënner der Nationalstrooss N 72 erduerch leeft fiddert se d'Weiere vum Schlass vu Meylandt, an op der Héicht vum ornithologesche Reservat Meylandt-Oobeek, leeft vu lénks d'Oude Molenbeek dran.

Ronn 2 km duerno leeft se duerch e Siphon, fir ënner dem Albertkanal erduercht ze kommen.

Direkt duerno leeft vu riets de d'Jantenbeek dran, an 1 km weider leeft se ënner dem Verdeeler Lummen erduercht.

Duerno leeft se südlech laanscht Lummen, tëscht de Schlässer De Burg an Hamel fir 2 km duerno ënner der SNCB-Linn 35 erduercht, an direkt duerno an d'Demer ze lafen.

Op der Streck vu 16 km verléiert se 30 Meter un Héicht.