Marc Vanacker

De Marc Vanacker (l.) am Gespréich mat dem Fränk Schleck (r.)

De Marc Vanacker, gebuer den 29. Mäerz 1976 an der Stad Lëtzebuerg, ass e lëtzebuergesche Journalist a fréiere Vëlossportler.

Hie war 2001 Profi beim "Post Swiss Team" an 2002 bei "Marlux - Ville de Charleroi".

2001 war hie Lëtzebuerger Meeschter géint d'Zäit.

De Marc Vanacker schafft als Journalist bei der Dageszeitung La Voix du Luxembourg a schreift haaptsächlech iwwer déi lëtzebuergesch Innepolitik. Als Fachmann am Beräich Vëlossport, mat gudde Kontakter am lëtzebuergeschen an internationale Cyclistemilieu, gëtt hien och fir Reportagen iwwer Vëlosmanifestatiounen agesat.

Palmarès

1998

• 47. am Tour de l'Avenir

1999

• 17. an der Flèche du Sud
  • 3. an der 1. Etapp vun Esch-Uelzecht op Rëmeleng (172 km)
• 73. am Tour de l'Avenir

2001

• 1. bei den Nationale Meeschterschaften op der Strooss am Zäitfueren (Kategorie Elite)
• 26. am Grand Prix des Nations
• 28. am Samsung Mobile Grand Prix (190 km)
• 41. am Rund um den Henninger-Turm
• 86. am Tour de Picardie
  • 5. an der 2. Etapp vu Mers-les-Bains op Creil (171 km)
• 144. am Trofeo Mallorca (80 km)

2002

• 2. bei den Nationale Meeschterschaften op der Strooss an der Course en Ligne (Kategorie Elite)
• 3. bei den Nationale Meeschterschaften op der Strooss am Zäitfueren (Kategorie Elite)

2003

• 3. bei den Nationale Meeschterschaften op der Strooss am Zäitfueren (Kategorie Elite)