Mario Mutsch

Vu Wikipedia
Wiesselen op: Navigatioun, sichen

De Mario Mutsch, gebuer den 3. September 1984 zu Sankt Väit, ass e belsch-lëtzebuergesche Foussballspiller.[1]

D'Talent vum Mario Mutsch, deen uganks senger Carrière belscht Championat gespillt huet, gouf senger Zäit fréi vun der FLF erkannt. No éischte Joren an der Lokalequipe vu Recht, sengem Heemechtsduerf an der Gemeng Sankt Väit, an duerno nach der Zäit zu Spa (2002-05), huet de Mutsch -deem säi Papp Lëtzebuerger ass- d'Saison 2005/06 an der drëtter belscher Divisioun bei RFC Union La Calamine gekickt wéi d'lëtzebuergesch Foussballfederatioun un d'Dier getockt huet.

Säin éischte Match an der Lëtzebuerger A-Nationalequipe huet hien den 8. Oktober 2005 an der WM-Qualifikatioun géint Russland gespillt.[2]

2006/07 ass de Mutsch op Ooche bei d'Amateure vun Alemannia Aachen (zweet Equipe) gewiesselt, an och do relativ séier Stammspiller gewiescht.

Wéi de Jeff Saibene 2007/08 bei der FLF opgehalen huet a fir Kotrainer bei de Schwäizer Éischtligaclub FC Aarau gaangen ass, huet sech de Mutsch anengems do presentéieren däerfen a krut direkt e Kontrakt op zwee Joer. Zanter 2012 spillt de Mutsch beim FC St. Gallen, dee vum Jeff Saibene trainéiert gëtt.

De Mario Mutsch, dee mat lénks grad wéi mat riets schéisst, spillt zum dackste Mëttelfeld, ass awer och e gudde Back.

Clibb[3][änneren | Quelltext änneren]

Als Amateur[änneren | Quelltext änneren]

  • 1998-2002: FC Olympia Recht (Belsch)
  • 2002-2005: RFC Spa (Belsch)
  • 2005-2006: RFC Union La Calamine (D3, Belsch)
  • 2006-2007: Alemannia Aachen (Oberliga, Däitschland)

Als Profi[änneren | Quelltext änneren]

  • 2007-2009: FC Aarau (D1, Schwäiz)
  • 2009-2011: FC Metz (D1, D2 Frankräich)
  • 2011-2012: FC Sion (D1, Schwäiz)
  • 2012-000 : FC St. Gallen (D1, Schwäiz)

Referenzen[änneren | Quelltext änneren]