Mill Majerus

Dësen Artikel iwwer e Politiker ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.

De Mill Majerus (2011).

De Mill Majerus, gebuer de 7. Mäerz 1950 zu Klierf, gestuerwen den 1. Abrëll 2011, war e lëtzebuergesche Politiker a Sexolog.

Bis 2009 war hie Regierungsconseiller am Familljeministère.

Vum 8. Juli 2009 bis zu sengem Doud war hien CSV-Deputéierten an der Chamber. Hie war de President vun der Familljen- Jugend- a Gläichberechtegungskommissioun.

Hie war President vun der Asbl Omega 90, wou hien 2009 den Nofolger vum Jean-Paul Lehners gouf.

Zesumme mat senger Fra, der Simone Majerus-Schmit, hat hien d'Hotline vun der kathoulescher Kierch fir d'Affer vu sexueller, physescher oder psychescher Gewalt koordinéiert.

De Mill Majerus, dee bei engem Autosaccident tëschent dem Stafelter an Eesebur ëm d'Liewe koum, war bestuet a Papp vu sechs Kanner.

Gielercher

• Officier vum Ordre de Mérite du Grand-Duché de Luxembourg (Promotioun 1998)
• Officier vum Ordre de la couronne de chêne (Promotioun 2008)

Um Spaweck

• De Blog vum Mill Majerus.

Bibliographie

• Mill Majerus, Liebesworte : Antworten auf Fragen Jugendlicher zu Liebe und Sexualität (München: Dt. Katecheten-Verein, 1985).
• Mill Majerus and Catherine Majerus, Uber Sex und Liebe reden : ein Ratgeber für Eltern und alle, die Jugendliche begleiten (München: Kösel, 2007).