Monochloromethan

Monochloromethan
Systemateschen Numm (IUPAC)	Monochloromethan
Trivialen Numm	Methylchlorid Chloromethan
Chemesch Formel	CH3Cl
Ausgesinn	duerchsiichtege Gas
Eegeschaften
Dicht	2.22 kg/m3
Léislechkeet	5.325 g/l (am Waasser)
Molmass	16,04 g/mol
Schmëlzpunkt	-182,5 °C
Kachpunkt	-161,7 °C
Thermodynamesch Daten
Standard Formatiounsenthalpie ΔfH0	–83.68 KJ·mol−1
Standardentropie S0	234.36 J·K−1·mol−1
Verbrennungsenthalpie ΔcH0	–764.0 KJ·mol−1
Weideres
Ähnlech Molekülen	Dichloromethan Trichloromethan Tetrachloromethan
Chemesch Famill	Chlorkuelewaasserstoffer

Monochloromethan ass een vun de véier chloréierten Derivatsproduiten vum Methan.

Physikalesch Eegenschaften

Monochloromethan ass e Gas, deen zu enger Flëssegkeet kompriméiert gëtt. En huet keng Faarf a richt no Ether.

Hierstellung

Monochloromethan entsteet beim Erhëtze vu Chlor a Methan op 400–500 °C. Bei dëser Temperatur kënnt et zu enger gradueller Substitutioun vum Waasserstoff duerch de Chlor:

$\mathrm{CH_4 + Cl_2 \longrightarrow CH_3Cl + HCl}$ (Monochloromethan)

$\mathrm{CH_3Cl + Cl_2 \longrightarrow CH_2Cl_2 + HCl}$ (Dichloromethan)

$\mathrm{CH_2Cl_2 + Cl_2 \longrightarrow CHCl_3 + HCl}$ (Trichloromethan)

$\mathrm{CHCl_3 + Cl_2 \longrightarrow CCl_4 + HCl}$ (Tetrachloromethan)

D'Resultat vun dem Prozess ass e Gemësch vun deene véier Zorte vu Chloromethan, déi duerch Destillatioun getrennt kënne ginn.

Technesch gëtt Monochloromethan duerch eng Reaktioun tëscht dem Methanol an dem Waasserstoffchlorid gewonnen:

$\mathrm{CH_3OH+ HCl \longrightarrow CH_3Cl + H_2O}$

Uwendung

Fréier war Monochloromethan e Anesthésiant. An der Industrie gëtt Monochloromethan als Léisungsmëttel benotzt. E gëtt och als Kill- an Dreiwmëttel gebraucht. Fir Siliconen hierzestellen, gëtt en als Methyléierungsmëttel geholl. E soll a loftdicht Behälteren gelagert ginn.

An der organescher Chimie ass Monochlormethan en Zwëscheproduit fir aner Substanzen ze produzéieren.

Auswierkungen op d’Gesondheet

Wann ee gréisser Quantitéite vun den Dämp vum Monochloromethan chronesch oder punktuell anotmet, tauchen d’Vergëftungssymptomen oft no e puer Stonnen op. Dat sinn ënner aneren Dronkenheet, Bauchwéi, Kappwéi, Siichtstéierungen a se kënne bis zum Koma oder zum Doud féieren. Nieren-, Liewer- a Gehirschäden sinn och méiglech.

Literatur

• Martindale, The Extra Pharmacopoeia, Thirtieth Edition

Um Spaweck

• http://www.seilnacht.com/Lexikon/halkw.html