Musca (Stärebild)

Date vum Stärebild Musca
Lëtzebuergeschen Numm	Méck
Däitschen Numm	Fliege
Laténgeschen Numm	Musca
Laténgesche Genitiv	Muscae
Laténgesch Ofkierzung	Mus
Rektaszensioun	11h 19m bis 13h 51m
Deklinatioun	-75° 41' bis -64° 38'
Fläch	138 Quadratgrad
Siichtbar op de Breedegraden	10° Nord bis 90° Süd
Observatiounszäitraum fir Mëtteleuropa	net ze gesinn
Stärenzuel mat Gréisst < 3m	1
Hellste Stär, Gréisst	α Mus, 2,69m
Meteorstréim
Nopeschstärebiller (vu Norden am Auerrzäresënn)	Crux Carina| Chamaeleon Apus Circinus Centaurus
Kaarte vum Stärebild Musca

D'Méck, laténgesch Musca ass e Stärebild um Südhimmel.

Beschreiwung

D'Méck (Musca) ass e klengt, awer däitlech erkennbart Stärebild, südlech vum Stärebild Crux. D'Musca huet een helle Stär vun der 2. Gréissteklass.

Duerch d'Stärebild zitt sech d'Band vun der Mëllechstrooss. Opfälleg ass eng ausgedeenten Donkelwollék, genannt, de Kuelesak. De südlechen Deel geet bis an d'Stärebild vun der Musca. Dës Himmelsregioun vun der Méck bitt e schéinen Ubléck.

Geschicht

D'Musca gehéiert zu den 12 neie Stärebiller, déi Enn vum 16. Joerhonnert vum hollänneschen Séifuerer Pieter Dirkszoon Keyser an dem Frederik de Houtman agefouert goufen. De Johannes Bayer huet se 1603 als Bei (Apis) a säin Himmelsatlas Uranometria agedroen.

1752 nennt si den Nicolas Louis de Lacaille La Mouche, op Latäin: Musca. Spéider gëtt si och nach Musca Australis genannt. Op ale Stärekaarten schnellt d'Zong vum Chamaeleon (Nopeschstärebild) a Richtung vun der Méck.

Himmelsobjeten

Stären

B	F	Nimm o. aner Bezeechnungen	Gréisst	Lj	Spektralklass
α			2,69m	306	B2 IV-V
β			3,04m	311	B2 V
δ			3,61m	91	K2 III
λ			3,63m	128	A7 III
γ			3,84m	324	B5 V
ε			4,0 bis 4,3m	302	M5 III
μ			4,75m	432	K4 III
η			4,79m	406	B8 V
		HR 5002	4,86m	1186	K2 Ib-II
		HR 4549	4,89m	338	B4 V
		HR 4538	4,98m	1456	G5 Ib
		GT	5,01m	561	G2 III + A
ι			5,04m	225	K0 III
		HR 4401	5,09m	475	B5
ζ2			5,15m
		HR 4617	5,17m	438	K2 II
		HR 4604	5,34m	339	A0 V
θ			5,44m	WC6 + O9

De Stär δ Muscae ass 91 Liichtjoer vun eis ewech, hie liicht orange an huet d'Spektralklass K2 III.

Bei θ Muscae handelt et sech ëm deen zweethellste bekannten Wolf-Rayet-Stär.

Duebelstären

System	Gréissten	Ofstand
α
β	3,7 /4,0m	1,3"

Den α Muscae ass ee bloen Iwwerris op enger Distanz vu 306 Liichtjoeren vun eis ewech. Hien huet déi 20.000fach Liichtkraaft vun eiser Sonn. Op engem Ofstand vun 2600 AU ass ee liichtschwaache Begleetstär, deen hien an 45.000 Joer ëmkreest.

Den β Muscae ass een Duebelstäresystem op enger Distanz vun 311 Liichtjoer. Déi zwou Komponenten gehéieren de Spektralklassen B2 an B3 un.

Verännerlech Stären

Objet	Gréisst	Period	Typ
α	2,69m	2,2 Stonnen	Cepheid
ε	4,0 bis 4,3m	40 Tage	Hallefregelméisseg Verännerlechen

Den Haaptstär vum System, den α Muscae pulséiert liicht, seng Hellegkeet verännert sech iwwert en Zäitraum vun 2,2 Stonnen ëm ronn 1% . Hie gehéiert zu de verännerleche Stären vum Typ Cepheiden.

De Stär ε Muscae ass 302 Liichtjoer vun eis ewech. Et ass een hallefregelméisseg verännerleche Stär, deem seng Hellegkeet an engem Zäitraum vu ronn 40 Deeg schwankt. Et handelt sech hei ëm ee roude Ris mat der Spektralklass M5 III.

Niwweleg Objeten

NGC	divers	Gréisst	Typ	Numm
			Donkelwollek	Kuelesak
4372		7,8m	Kugelstärekoup
4463		7,2m	Oppene Stärekoup
4815		8,6m	Oppene Stärekoup
4833		7,4m	Kugelstärekoup
5189		9,7m	Planetareschen Niwwel

De Kuelesak ass eng ausgedeenten Donkelwollék op enger Distanz vun 600 Liichtjoer.

Den NGC 4833 ass e Kugelstärekoup deen 18.000 Liichtjoer vun eis ewech ass.

De Planetareschen Niwwel NGC 5189 ass de Gasmantel vun engem Stär, deen 2.600 Liichtjoer ewech ass. Den Niwwel huet eng ongewéinlech längelzeg Form.

Kuckt och

Portal Astronomie

• Lëscht vu Stärebiller
• ABC vun de Stären
• Void

Um Spaweck

Commons: Musca – Biller, Videoen oder Audiodateien