Musekalbum

Vu Wikipedia
Wiesselen op: Navigatioun, sichen
Musekalbumen an CD-Format

E Musekalbum (oder einfach Album) ass eng Kollektioun vu Musekstécker déi zesummen an engem Audioformat meescht kommerziell verëffentlecht ginn. Déi verschidde Lidder hunn eng Relatioun andeem se zum Beispill vum selwechte Kënschtler kommen (Interpret, Museksgrupp, Komponist) oder zum selwechte Musekstil gehéieren.

E promotionellen Extrait vun engem Musekalbum nennt ee Single. Eng EP ass den Iwwergank vun der Single zum Album.

Traditionnell bestounge Musekalben aus enger oder méi LPen, déi an enger Kartongshousse waren, op där meeschtens, nieft dem Titel an dem oder den Interpret(en), och Informatiounen iwwer d'Musek oder d'Texter ze fanne waren. Déi Housse war dacks an engem kënschtleresche Layout. Mam Opkomme vun der CD, Mëtt vun den 1980er Joren, gouf dat Konzept op d'Verpakung vun den CDen iwwerdroen. Obwuel haut, bei Musek-Downloaden, d'Konzept vum Album u sech net méi vill Sënn mecht, well kee materielle Support méi gebraucht gëtt, hält et sech weiderhin zu engem groussen Deel bäi.