Nationalstadion vu Peking

Vu Wikipedia
Wiesselen op: Navigatioun, sichen
Beijing Vogelnest.jpg

Den Nationalstadion vu Peking, wéinst senger apaarter Architektur ëmgangssproochlech och nach dacks Vullenascht genannt, ass e Stadion am Norde vun der chinesescher Haaptstad Peking. D'offiziell Ouverture vum Stadion deen en vue vun den Olympesche Summerspiller 2008 gebaut gouf, war den 28. Juni 2008. Tëscht dem 8. a 24. August 2008 war en d'Haaptarena vun de Spiller vun der XXIX. Olympiad a vum 6.-17. September 2008 ginn hei Summer-Paralympics 2008 ofgehalen. Den Nationalstadion huet fir d'Zäit vun de Spiller eng Kapazitéit vun 91 000 Spectateuren, déi awer herno op 80 000 reduzéiert soll ginn.

D'Gebai ass 333 Meter laang, 294 Meter breet, 69 Meter héich an huet eng Buedemfläch vun 285 000 m². Et goufen 42 000 Tonne Stol verschafft. De Bau huet ronn 3,5 Milliarden Yuan, respektiv 325 Milliounen Euro kascht. D'Pläng fir den Entworf vum Stolkoloss koume vun engem Konsortium aus de Schwäizer Architekten Herzog & de Meuron, der Consultingfirma ArupSport an der China Architecture Design & Research Group (CAG). D'Architekte goufen bei der Realisatioun vum chinesesche Kënschtler an Architek Ai Weiwei beroden.

Bird's Nest stadium, May 2008.jpg


Um Spaweck[änneren | Quelltext änneren]

  • (en) n-s.cn Offizielle Site vum Stadion
Commons: Beijing National Stadium – Biller, Videoen oder Audiodateien