Neologismen am Lëtzebuergeschen

Dëse Sproochen- a Linguistikartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

De Begrëff Neologismus (gr. néos = nei, logos = Wuert) bezeechent an der Linguistik:

1. nei Wuertbildungen, déi an den allgemenge Sproochgebrauch agaange sinn;
2. nei Bedeitunge vu Wierder, déi schonn existéieren.

Déi rezentest Neologisme komme virun allem aus dem Engleschen (Anglizismen) an de Beräicher vun den neie Kommunikatiounstechnologie wéi Internet, Telefonie oder Computer.

Nei Wierder am Lëtzebuergeschen

Fir dës Neologismen ass den Ausdrock an d'Bedeitung nei.

Beispiller

Browser boosteren, eng supplementar Impfung maachen CD = Ofkierzung vu "Compact Disc" Check-in Club Code Comeback cool = gutt, schéin, flott eroflueden Export

fett = Ausdrock vu Wäertschätzung Fitness Handy hip leasen mailen Notebook Recycling Schwaarzt Lach

Sichmaschinn Spam Terminal Test tipptopp = gutt, schéin, flott, OK Websäit zappen

Nei Bedeitunge fir bekannt Wierder am Lëtzebuergeschen

Wierder, déi et scho virdru gouf, kréien doriwwer eraus eng nei Bedeitung.

Beispiller

• déck gëtt hautdesdaags als Verstäerkungswuert benotzt wéi z. B. "ganz", oder "vill". Ze gesinn ass, datt "déck" hautdesdaags op ville Plaze benotzt ka ginn. Et ass sou en 'all-round'-Wuert, dat fir alles gutt ass. Am drëtte Beispillssaz ass ze verstoen, datt et net d'Schong sinn, déi déck sinn, mä d'Aktioun déi 'intensiv' ass.

1. Dëse Kuch ass déck gutt!
2. Ech sinn déck midd.
3. All Woch geet hatt déck Schong kafen.

• Maus = en Déier, mä och d'Computermaus

• späicheren am Sënn vun "Energie späicheren" oder en "Dokument späicheren"

• surfen

Literatur

• Lulling, Jérôme, 2002. La créativité lexicale dans la langue luxembourgeoise. Thèse de doctorat, Université Paul-Valéry – Montpellier III. 499 p. [kritt een am Nationale Literaturzentrum ze léinen]