Non-Violence

Vu Wikipedia
Wiesselen op: Navigatioun, sichen
Deen éischte Revolver mam Knuet am Laf zu Malmö.

Non-Violence, och nach The knotted gun, ass eng Bronzeskulptur, déi vum schwedesche Sculpteur Carl Fredrik Reuterswärd, 1980 entworf gouf. Den Doud vum John Lennon war den Ustouss fir de Kënschtler dës Skulptur ze realiséieren.

D'Skulptur gouf a verschiddene Variatiounen oder Repliquen [1] an en etlech Stied uechtert d'Welt opgestallt. Verschidde Replique sinn a Privatbesëtz wéi z. B. déi vum englesche Foussballist David James.

Déi éischt gouf 1985 zu Malmö opgestallt.

Duerno gouf 1988 eng zu New York virum Gebai vun der UNO opgeriicht. Dat ass e Cadeau, deen d'lëtzebuergesch Regierung 1988 de Vereenten Natioune gemaach huet.

Eng drëtt steet zu Lëtzebuerg um Kierchbierg virum Jean Monnet Gebäi [2].

Am August 2005 gouf am Park vum Bundeskanzleramt zu Berlin eng weider Non-Violence-Skulptur ageweit, déi de Kënschtler Däitschland geschenkt hat. De Günter Grass huet d'Laudatio gehalen.

Referenzen[änneren | Quelltext änneren]

  1. Verschidde Quelle schwätze vu 14, anerer vun 16 oder 18, an nach anerer vu méi wéi 20 Repliken doruechter.
  2. LCTO, Broschüre: Kirchberg - Architektur und Kunst im öffentlichen Raum online S.19

Um Spaweck[änneren | Quelltext änneren]