Nordesch Kombinatioun
D'Nordesch Kombinatioun ass eng Sportsdisziplin vun den Olympesche Spiller. Et ass eng Kombinatioun tëschent Schisprangen a Schilaanglaf. Dës Competitioun ass fir d'éischt bei den Olympesche Wanterspiller vun 1924 zu Chamonix derbäi gewiescht.
[änneren] Regelen
Et gëtt dräi verschidde Competitiounen am Nordesche Schi a si ginn allen dräi an zwéin Deeg ofgehalen. Am Eenzel gëtt op enger Schanz vun 90 m gesprong. Am Sprint an an der Equipe ass et eng vun 120 m. D'Laanglafstreck huet am Eenzel 15 km, am Sprint 7.5 km an an der Equipe 4 x 5 km.
[änneren] Am Eenzel
All Athlet spréngt zweemol vun der Schanz a seng Punkte ginn notéiert. Den zweeten Dag start deen éischten aus dësem Klassement och als éischten. Déi aner starten an der Reiefolleg wéi se mat der Gundersen-Method errechent ginn ass.
[änneren] Sprint
Den éischten Dag maachen d'Konkurrente just ee Sprong vun der grousser Schanz, den zweeten Dag e Laanglaf vu 7,5 km.
[änneren] An der Equipe
All Mannschaft besteet aus 4 Sportler. Hir Resultater beim Sprange ginn zesummegerechent an sou wéi beim Eenzel gi se dann op Basis vun deem Resultat deen aneren Dag op d'Piste geschéckt.
 |
Olympesch Gewënner an der nordescher Kombinatioun am Eenzel |
|---|---|
|
1924 : Thorleif Haug | 1928 : Johan Grøttumsbråten | 1932 : Johan Grøttumsbråten | 1936 : Oddbjørn Hagen | 1948 : Heikki Hasu | 1952 : Simon Slåttvik | 1956 : Sverre Stenersen | 1960 : Georg Thoma | 1964 : Tormod Knutsen | 1968 : Franz Keller | 1972 : Ulrich Wehling | 1976 : Ulrich Wehling | 1980 : Ulrich Wehling | 1984 : Tom Sandberg | 1988 : Hippolyt Kempf | 1992 : Fabrice Guy | 1994 : Fred Børre Lundberg | 1998 : Bjarte Engen Vik | 2002 : Samppa Lajunen | 2006 : Georg Hettich | 2010 : Jason Lamy-Chappuis |
|
| Commons: Nordic combined – Biller, Videoen oder Audiodateien |
