Oger

Vu Wikipedia
Wiesselen op: Navigatioun, sichen
Oger
center}}}
Land Flag of France.svg Frankräich
Regioun Blason région fr Champagne-Ardenne.svg Champagne-Ardenne
Departement Blason département fr Marne.svg Marne
Arrondissement Épernay
Kanton Avize
Code Insee 551411
Postcode 51190
Koordinaten Gnome-globe.svg48° 57’ 30’’ N
     04° 00’ 47’’ O
Fläch Uertschaft  1 506 ha
Bevëlkerung Uertschaft  558 (1999)

Oger ass eng franséisch Uertschaft a Gemeng am Departement Marne an der franséischer RegiounChampagne-Ardenne.

D'Duerf, dat an der Côte des Blancs am Süde vun Épernay läit, ass op der Lëscht vun der Associatioun Les plus beaux villages de France als Village de Charme klasséiert.

Den Terrain vun der Uertschaft kann een an dräi grouss Partien opdeelen:

  • Am Süden, am Dall vun der Champagne crayeuse leien d'Felder op deenen haaptsächlech Weess gezillt gëtt.
  • Am Osten op der Kopp ass eng Corniche déi aus Bëscher besteet, an deene mer haaptsächlech Bierke fannen. Am Hank ënner dem Bësch stinn Hecken déi awer séier de Wéngerte Plaz maachen.
  • Tëscht deenen zwee läit d'Duerf mat de Wéngerte ronderëm.

An der Uerschaft ass alles no beienee gebaut, an se steet och op der Plaz wou de Buedem keen sou e gudde Rendement fir de Wäin hat. Well d'Wéngerte bis un Duerf stoussen, huet dëst sech och ni vergréissert, fir nëmme keen hallwen Ar vun der deierer Wäinubaufläch ze verléieren. D'Haiser sinn aus Zillen a Meulièrë gebaut. Déi eelst Haiser déi am Torchis gebaut waren, ginn hautdesdaags nach just als Hangar a Remise benotzt.

Déi dräi Buren, d' Fontaine au Pommier, Les Graillots a Les Sept Vents hunn d'Uertschaft bis an 50er Jore mat Waasser beliwwert.

D'Wéngerten déi sech den Niveaulinne vum Hank upassen, weisen och op d'Propriétéitsverhältnesser hin. Et sinn e lauter kléng Proprietéiten, mat seelen iwwer 2 ha, déi awer klenge Familljebetriber et erlaben, fir gutt vum Wäin ze liewen.

Vue op Oger am Oktober 2011