Otto von Bismarck

Vu Wikipedia, der fräier Enzyklopedie.

Dës Säit beschäftegt sech mat dem däitsche Reichskanzler Otto von Bismarck. Fir aner Persoune mat demselwechten Numm kuckt w.e.g. Otto von Bismarck (Homonymie). Fir aner Begrëffer am Zesummenhank mat dem Numm kuckt w.e.g Bismarck a Bismarck (Adelsgeschlecht)

Den Otto von Bismarck, mam vollen Numm Otto Eduard Leopold von Bismarck-Schönhausen, gebuer den 1. Abrëll 1815 zu Schönhausen a gestuerwen den 30. Juli 1898 zu Friedrichsruh bei Hamburg, war e preisesche Politiker. Hie war zwëschen 1862 an 1890 Ministerpräsident vu Preisen, zwëschen 1867 an 1891 Kanzler vum Norddäitsche Bond an zwëschen 1871 an 1890 den éischte Reichskanzler vum Däitsche Keeserräich. Hien ass den eigentleche Grënner vum Däitsche Räich.