Pál Schmitt

Vu Wikipedia
Wiesselen op: Navigatioun, sichen
De Pál Schmitt (2011).

De Pál Schmitt, gebuer den 13. Mee 1942 zu Budapest, ass en ongresche Fechter, Diplomat a Politiker (Fidesz).

Als Fechter hat hien e puer mol un den Olympesche Spiller deelgeholl an och an der Grupp 1968 an 1972 d'Goldmedail gewonnen. 1970 an 1971 war e Weltmeeschter am Fechten.

1993-1997 war de Schmitt Ambassadeur vun Ungarn zu Madrid an 1998-2002 zu Bern. 2002 huet e fir de Poste vum Buergermeeschter vu Budapest kandidéiert a gouf Zweeten.

2003 gouf e Member vun der Partei Fidesz-MPSZ (Fidesz-Magyar Polgári Szövetség) a gouf hire Vizepresident. E gouf 2004 als Deputéierten an d'Europaparlament gewielt an 2009 erëmgewielt. En huet 2010 op dat Mandat verzicht, wéi en als Deputéierten an d'nationaalt Parlament, an dunn, am Mee, zum President vum ongresche Parlament gewielt gouf.

Den 29. Juni 2010 gouf en zum Staatspresident vun Ungarn gewielt an huet säin Amt de 5. August ugetrueden.

Den 2. Abrëll 2012 ass hien als President zréckgetrueden, nodeem bekannt gi war, datt hie bei senger Dokteraarbecht en etlech Quellen net uginn hat.

Um Spaweck[änneren | Quelltext änneren]

Commons: Pál Schmitt – Biller, Videoen oder Audiodateien