Schwaarzbier
 Rubus fruticosus | |
| Wëssenschaftlech Klassifikatioun | |
|---|---|
| Räich | Planzeräich |
| Ofdeelung | Bléieplanzen |
| Klass | Magnoliopsida |
| Ënnerklass | Rosidae |
| Uerdnung | Rosales |
| Famill | Rouseplanzen |
| Gattung | Rubus |
| Aart | Schwaarzbier |
| Wëssenschaftlechen Numm | |
| Rubus fruticosus | |
| „L“. | |
Schwaarzbier oder Päerdsbier ass den Numm vun enger Fruucht an och vum Trausch (Rubus fruticosus), op deem se wiisst. Dësen ass pickeg a vun der Famill vun de Rosaceae ("rousen-aartegen"). En ass an temperéierte Klimazone vun Eurasien, Nordafrika an Nordamerika wäit verbreet; a Mëtteleuropa gëtt et eng 400 Aarten. Schwaarzbier wiisst am léifsten hallef am Schiet (zum Besipill um Bord vun engem Bësch), an huet kallekzech a stéckstoffräich Biedem gär.
Beschreiwung[änneren | Quelltext änneren]
De Schwaarzbiertrausch ass eng méijäreg Kloterplanz; en zillt ënner dem Buedem Ausleefer, déi all Joer nei Schëss maachen. Dës kënne bis zu 4 Meter laang ginn an halen 2 Joer. Eréischt am zweete Joer droen se Friichten. Nom 2. Joer zillen déi Schëss, déi mam Buedem Kontakt hunn, Wuerzelen, vu wou aus dat Joer drop nei Schëss wuessen. Sou entsti Schwaarzbierhecken, duerch déi et keen Derduerch gëtt. Um Still sëtzen Dären.
D'Blieder sinn ofwiesselnd lénks a riets vum Still zu hirer 3, 5 oder 7 an hunn Zacken un hirem Bord. Se falen am Hierscht net erof. D'Schwaarzbier blitt tëscht dem Juni an dem August. D'Bléi ass wäiss, méi seele rosa. All Bléi huet jee fënnef Kielech- a Krouneblieder an iwwer 20 Stëbs- a Fruuchtblieder.
D'Friichte sinn, wa se zeideg sinn, bloelzeg-schwaarz (wat den Numm erkläert). Allerdéngs sinn et, anescht wéi den Numm et suggeréiert, keng Bieren, mä Sammelsteefriichten: all eenzel kleng Bull ass eng kleng Steefruucht (wéi z. B. d'Kiischten der sinn). Se kënnen tëscht dem Juli an dem Oktober gepléckt ginn.
D'Friichten enthale Vitaminn A an C. Se kënne réi giess ginn, zu Gebeess oder Kompott verkacht, zu Jus gepresst an zu Wäin vergäert, oder soss an der Kichen agesat ginn.
Aus de Blieder kann een Téi maachen. D'Schwaarzbier zielt zu den Heelplanzen. Fréier gouf d'Schwaarzbier och geholl fir ze fierwen, an d'Blieder, wéinst hirem Tanin, goufen an de Gierwereien verschafft.
Literatur[änneren | Quelltext änneren]
- Helminger, Thierry, 1992. Liste der in Luxemburg wildwachsenden Brombeeren (Rubus L. Subgenus Rubus). Bulletin de la Société des naturalistes luxembourgeois 93: 99-111.
Um Spaweck[änneren | Quelltext änneren]
| Commons: Schwaarzbier – Biller, Videoen oder Audiodateien |
