Päerdskappniwwel

Vu Wikipedia
Wiesselen op: Navigatioun, sichen
Date vum Päerdskappniwwel
De Päerdskappniwwel, Foto vum HST
Objettyp Donkelniwwel
Stärebild Orion (Ori)
Positioun (Equinoxe J2000.0)
Rektaszensioun 5h 41m 00,00s
Deklinatioun -02° 27′ 30"
Ausgesinn
Visuell Magnitude +11,00 mag
Wénkelduerchmiesser 90,0' × 30,0'
Physikalesch Daten
Gehéiert zum Orion-Komplex (Mëllechstrooss)
Distanz zirka 1.500 Liichtjoer
Absolut Hellegkeet  
Absoluten Duerchmiesser zirka 3 Liichtjoer (?)
Radial Vitesse  
Katalogbezeechnungen
Katalog Barnard 33 • LDN 1630

De Päerdskappniwwel oder Barnard 33 ass eng Donkelwollek am Stärebild Orion ass ee vun deene bekanntsten astronomeschen Objeten.

Entdeckung[änneren | Quelltext änneren]

De Päerdskappniwwel gouf vum US-amerikaneschen Astronom Edward Emerson Barnard Ufanks vum 20. Joerhonnert fir d'éischt katalogiséiert. No sengem Androen an de Barnard-Katalog vun den Donkelwolleken ass zanterhier säi wëssenschaftlechen Numm Barnard 33, ofgekierzt B 33.

Astronomesch Bedeitung[änneren | Quelltext änneren]

Et handelt sech dobäi ëm eng Usammlung vu kalem Gas a Stëbs, déi, vun der Äerd aus gesinn, der Form vun engem Päerdskapp gläicht. Si läit direkt virum Emissiounsniwwel IC 434, dee roudelzeg liicht, soudatt si sech vum hellen Hannergrond ofhieft. D'Gasmasse sinn a Bewegung, sou datt den Niwwel an e puer dausend Joer säi Glach mat engem Päerdskapp verluer wäert hunn.

De Päerdskappniwwel ass ongeféier 1.500 Liichtjoer vun eis ewech. Seng gréisst Ausdehnung bedréit ronn 3 Liichtjoer.

Wéinst senger riseger Gréisst an der gerénger Hellegkeet ass eng visuell Observatioun och mat groussen Teleskopen zimlech schwiereg. Een H-β-Filter kann awer hellefräich sinn.

Bei enger Ëmfro vun der NASA, watfireent Objet d'Hubble-Weltraumteleskop fotograféiere soll, war de Päerdskappniwwel de kloere Gewënner.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Horsehead Nebula – Biller, Videoen oder Audiodateien

Saturn 01.svg Portal Astronomie