Par
Vu Wikipedia, der fräier Enzyklopedie.
Par, oder Por, ass a verschiddene Kierchen de pastorale Wierkungsberäich vun engem Geeschtlechen.
D'Wuert kënnt aus dem Mëttelhéichdäitschen pfarre an dem Alhéichdäitschen pfarra, ass etymologesch awer net gekläert.
A verschiddene Länner ass eng Par eng administrativ Andeelung, déi meeschtens direkt vun der kierchlecher Andeelung ofgeleet ass. An deem Fall schwätzt ee vun enger Ziviler Par.
Inhaltsverzeechnes |
Territorial Paren zu Lëtzebuerg [änneren]
Niewent den territoriale Pare gëtt et och déi Europäesch Par mat Sëtz an der Kapuzinergaass, déi net geographesch ofgegrenzt ass [1]. All Par aus der Äerzdiözes Lëtzebuerg gehéiert zu engem Dekanat an zu enger Pastoralregioun.
Meeschtens läit eng Par um Territoire vun enger Gemeng. Et gëtt awer e puer Ausnamen:
- Par Äischen: den Haaptuert gehéiert zur Gemeng Habscht, während d'Filial Rentert um Territoire vun der belscher Stad Arel läit;
- Par Bärel: den Haaptuert gehéiert zur Gemeng Wanseler, während d'Filial Noutem zur Stauséigemeng zielt;
- Par Beetebuerg: d'Dekanatskierch an d'Filial Obeler leien um Territoire vun der Gemeng Beetebuerg, während d'Filial Léiweng zur Gemeng Réiser gehéiert;
- Par Betzder: den Haaptuert gehéiert zur Gemeng Betzder, während d'Filial Haastert zur Biwer Gemeng zielt;
- Par Blaaschent: den Haaptuert gehéiert zur Gemeng Luerenzweiler, während d'Filial Eesebur zur Gemeng Jonglënster zielt;
- Par Dikrech: d'Dekanatskierch an déi Al Kierch leien um Territoire vun der Stad Dikrech, während d'Filial Angelduerf zur Gemeng Ierpeldeng zielt;
- Par Eeschweller: den Haaptuert gehéiert zur Gemeng Jonglënster, während d'Filial Bruch zur Gemeng Biwer gehéiert;
- Par Gréiwemaacher: d'Dekanatskierch an d'Kräizkapell leien um Territoire vun der Gemeng Gréiwemaacher, während d'Filial Mënjecker zur Gemeng Manternach zielt;
- Par Kauneref: d'Parkierch an d'Pirminuskapell leien um Territoire vun der Stauséigemeng, während d'Filial Bitscht zur Gemeng Géisdref zielt;
- Par Keespelt: den Haaptuert gehéiert zur Gemeng Kielen, während d'Filial Mariendallerhaff zur Gemeng Tënten zielt;
- Par Meesebuerg: den Haaptuert gehéiert zur Gemeng Fiels, während d'Filial Aangelsbierg zur Gemeng Fëschbech zielt;
- Par Munzen: den Haaptuert läit um Territoire vun der Gemeng Klierf, während d'Filial Buckels an d'Filial Näidsen zur Gemeng Parc Housen zielen;
- Par Nidderdonwen: den Haaptuert an d'Filial Uewerdonwen leien um Territoire vun der Gemeng Fluessweller, während d'Filial On zur Wormer Gemeng gehéiert;
- Par Nidderpallen: den Haaptuert gehéiert zur Gemeng Réiden, während d'Filial Näerden zur Gemeng Biekerech zielt;
- Par Nidderwolz: d'Dekanatskierch läit um Territoire vun der Stad Wolz, während d'Filial Ierpeldeng zur Gemeng Eeschwëller an d'Filial Wanseler zur Gemeng Wanseler zielen;
- Par Nouspelt: den Haaptuert gehéiert zur Gemeng Kielen, während d'Filial Rued zur Gemeng Simmer zielt;
- Par Pënsch: den Haaptuert an d'Filialen Äischer, Lellgen a Wëlwerwolz leien um Territoire vun der Gemeng Kiischpelt, während d'Filialen Draufelt a Siwwenaler zur Gemeng Klierf zielen;
- Par Rued: den Haaptuert läit um Territoire vun der Gemeng Ell, während d'Filial Lannen zur Gemeng Réiden gehéiert;
- Par Schlënnermanescht: den Haaptuert läit um Territoire vun der Gemeng Buerschent, während d'Filial Uewerschlënner zur Gemeng Parc Housen zielt;
- Par Simmer: den Haaptuert läit um Territoire vun der Gemeng Simmer, während d'Filial Iener an d'Filial Kaalmes zur Gemeng Sëll zielen;
- Par Uerschdref: den Haaptuert an d'Filial Bilschdref leien um Territoire vun der Gemeng Rammerech, während d'Filial Néngsen zur Gemeng Esch-Sauer gehéiert;
- Par Uewermäerzeg: Uewermäerzeg an Niddermäerzeg leien um Territoire vun der Gemeng Mäerzeg, während d'Filial Méchelbuch zur Gemeng Viichten gehéiert;
- Par Veianen: d'Dekanatskierch, d'Bildchenkapell, d'Nikloskapell an d'Rochuskapell leien um Territoire vun der Stad Veianen, während d'Filial Biwels zur Gemeng Pëtscht gehéiert;
- Par Welschent: den Haaptuert läit um Territoire vun der Gemeng Buerschent, während d'Filial Bierden zur Gemeng Ierpeldeng gehéiert.
