Paul Wild

Vu Wikipedia
Wiesselen op: Navigatioun, sichen

De Paul Wild, gebuer 1921, ass e schwäizer Astronom, dee laang Joren als Professer - vun 1980 bis 1991 als Direkter vum Astronomeschen Institut - op der Universitéit Bern geschafft huet, wou hie bis haut als Emeritus täteg ass. Ausserdeem ass hien Doktor vun der Philosophie an Naturwëssenschaft souwéi President vun der Fritz-Zwicky-Stëftung.

Am Zimmerwald Observatoire bei Bern huet de Wild am Laf vu senger Carrière 94 Asteroiden, entdeckt, dorënner och e puer äerdno Asteroiden, a siwe Koméiten. Seng wichtegst Entdeckung ass de periodesche Koméit Wild 2 (offiziell Bezeechnung: 81P/Wild), deen de Wild de 6. Januar 1978 als Éischte gesinn huet. Dee Koméit gouf vun der NASA als Zil fir d'Stardust-Missioun ausgewielt. D'Raumsond huet virun allem Stëbspartikele vum Koméit agefaangen an op d'Äerd zréckbruecht.

D'Raumsond ass de 15. Januar 2006 op d'Äerd zréckkomm.

Den Asteroid (1941) Wild gouf no him genannt.

Um Spaweck[änneren | Quelltext änneren]