Pentan

Pentan
Systemateschen Numm (IUPAC)	Pentan
Trivialen Numm	Pentan
Chemesch Formel	C5H12
Ausgesinn	duerchsiichteg Flëssegkeet
Eegeschaften
Dicht	0.626 g/cm3
Léislechkeet	0,004 g/l (am Waasser)
Molmass	72.15 g/mol
Schmëlzpunkt	–129.8 °C
Kachpunkt	36.1 °C
Thermodynamesch Daten
Standard Formatiounsenthalpie ΔfH0	–173.5 KJ·mol−1
Standardentropie S0	263.47 J·K−1·mol−1
Verbrennungsenthalpie ΔcH0	–3509 KJ·mol−1
Weideres
Ähnlech Molekülen	Isopentan Neopentan Hexan
Chemesch Famill	Alkanen

Pentan oder n-Pentan ass en aliphatesche Kuelewaasserstoff, deen zu der Famill vun den Alkane gehéiert. En ass ee vun deenen dräi Isomeren aus der Grupp vun de Pentanen, déi nach aus Isopentan a Neopentan besteet.

Physikalesch Eegeschaften

Pentan ass eng Flëssegkeet ouni Faarf, déi no Benzin richt. En ass volatil an evaporéiert scho bei Raumtemperatur. Déi Dämp si méi schwéier wéi d'Loft a breede sech um Buedem aus.

E léist sech schlecht am Waasser op. Dogéint ass e gutt am Aceton, am Ethanol an am Ether léislech.

Chemesch Eegeschaften

Pentan ass liicht entzündlech a verbrennt mat Sauerstoff zu Kuelendioxid a Waasser. Doduerch, datt en volatil ass, kënnen explosiv Gasgemëscher aus Pentan a Loft entstoen.

$\mathrm{C_5H_{12} + 8\,O_2 \rightarrow 5\,CO_2 + 6\,H_2O}$

Virkommen

Pentan kënnt am Äerdgas an am Pëtrol vir an entsteet beim Cracking

Hierstellung

An der Industrie:

Pentan gëtt an der Industrie duerch Distillatioun vum Pëtrol gewonnen.

Am Laboratoire:

Am Laboratoire gëtt vir d'éischt Pentan-2-ol oder Pentan-3-ol dehydratiséiert, da mat Katalysateuren hydréiert.

Uwendung

Pentan ass en universellt Léisungsmëttel an en Dreifmëttel an de Spraydousen.

Auswierkungen op d’Gesondheet

D'Dämp vum Pentan wierke narkotesch a wann een se anotmet, kann dat zu Dronkenheet, Kappwéi, Schläfregkeet an Herzrhythmusstéierunge féieren.

Um Spaweck

• http://www.seilnacht.com/Chemie/ch_pent.htm