Plëss d'Arem

Vu Wikipedia
Wiesselen op: Navigatioun, sichen
D'Plëss vum Cercle aus gesinn

D'Plëss d'Arem, dacks och nëmme Plëss genannt, ass eng Plaz an der Alstad vun der Stad Lëtzebuerg. Do stoung fréier eng Kasär. Zanter dem Joer 1671 gouf d'Plaz als Paradeplaz benotzt, nodeem franséisch Truppen ënner dem Gouverneur Jean Charles de Landas d'Plaz mat Lanne beplanzt haten.

D'Plëss haut[änneren | Quelltext änneren]

Haut zielt d'Plëss, nieft dem Knuedler, zum Mëttelpunkt vun der Stad. D'Plaz ass agerummt vun enger Abberzuel Caféen a Restauranten. Um ëstleche Kapp vun der Plaz fënnt een de Cercle municipal. Vis-à-vis steet e Musekskiosk, op deem virun allem am Summer am Kader vum Summer in the City heefeg Concerten opgefouert ginn. Op der Plëss gëtt am Wanter de Stater Chrëschtmaart ofgehalen, am Summer ënner anerem de Gay Mat.

De Pëtz op der Plëss[änneren | Quelltext änneren]

D'Plack iwwer dem Pëtz.

De Pëtz op der Plëss d'Arem gouf 1741 gegruewe fir d'Awunner vun der Festung mat Drénkwaasser ze versuergen. De Pëtz, dee 65 m déif ass, geet duerch de Lëtzebuerger Sandsteen erof bis op d'Grondwaasser dat iwwer der waasseronduerchlässeger Schicht ënner dem Sandstee steet. De Pëtz ass mat enger Plack ofgedeckt, déi op de Pëtz opmierksam mécht. Den Tunnel ënner der Stad Lëtzebuerg, dee vun 1961 bis 1963 gegruewe gouf, ass duerch e Säitegank vun e puer Meter Längt mam Pëtz verbonnen.

Dicks-Lentz-Monument[änneren | Quelltext änneren]

Westlech nieft der Plëss, um Square Jan Palach, steet d'Monument Dicks-Lentz vum Architekt Georges Traus a vum Sculpteur Pierre Federspiel, dat un déi zwéi lëtzebuergesch Dichter Edmond de la Fontaine a Michel Lentz erënnert. Am Volleksmond, besonnesch bei méi Jonken, gëtt d'Monument och nach Bronnen (resp. Brunnen) genannt, dat besonnesch bei de Memberen aus der Punk-Zeen.

Literatur[änneren | Quelltext änneren]

Kuckt och[änneren | Quelltext änneren]

Fotoen[änneren | Quelltext änneren]

Um Spaweck[änneren | Quelltext änneren]

Commons: Plëss d'Arem – Biller, Videoen oder Audiodateien