Plutino

Diagramm an deem d’Bunnhallefachse vun de gréissere Plutinos (an AE, waagerecht Achs) géint hir Bunnschréiegt (an °, senkrecht Achs) ofgedroe gëtt. D’Kreesgréisste solle nëmmen déi relativ Asteroideradië illustréieren a sinn net moossstäblech zu de Bunnelemente. Déi horizontal Linne stellen de Spillraum tëschent dem Perihel resp. Aphel vun de jeweilege Plutinoëmlafbunne duer.

Als Plutinos, net ze verwiessele mat Plutoiden, ginn an der Astronomie déi Objete vun der Kuiperceinture bezeechent, deenen hir Bunnelementer mat deene vum [[|(134340) Pluto|Pluto]] vergläichbar sinn. Déi Ëmlafbunne ginn duerch eng 3:2-Resonanz zu der Ëmlafbunn vum Planéit Neptun stabiliséiert, dat heescht, während dräi Neptunëmleef ëmronne se d'Sonn zweemol. Duerch déi Synchroniséierung ginn enk Rendez-vouse mam Neptun ënnerlooss, soudatt am Ëmkrees vum Riseplanéit nëmmen esou Bunnen op laang Dauer stabil sinn.

Déi éischt véier Plutinos goufen hannereen a véier Deeg vum 14. bis de 17. September 1993 entdeckt, – 63 Joer nom Pluto. Am Ament gëtt d'Zuel vu grousse Plutinos (iwwer 100 km) op méi wéi 1000 geschat. Dës Schätzunge sinn awer nach ganz onsécher, well nëmme ganz wéineg Daten iwwer d'Kuiperceintureobjete virleien.

Méiglech Genesis

Während dem Entstoe vum Sonnesystem goufen duerch d'Gasplanéite Planetesimaler an den baussenzege Beräich (Kuiperceinture an Oort-Wollek) geschleidert, wouduerch sech dem Neptun seng Ëmlafbunn vergréissert hat. Duerch Simulatiounsrechnunge konnt nogewise ginn, datt en dobäi op sengem Wee déi schonns existéierend Objete an der 3:2-Resonanz wéi e Schnéiplou viru sech hier „geschubst“ hat.

Grouss a bekannt Plutinos

Numm	Duerchmiesser	grouss Hallefachs	Perihel	Aphel	Ëmlafzäit	Bunnschréiegt	Exzentrizitéit	Oppositiounshellegkeet 2008	Oppositiounshellegkeet am Perihel
[[|(134340) Pluto|Pluto]]	2320 km	39,2 AE	29,6 AE	48,8 AE	248 Joer	17,1°	0,244	14,m1	13,m8
Charon	1270 km	Gréisste Mound vum Pluto
1993 RO	~140 km	39,06 AE	31,5 AE	46,6 AE	~247 Joer	3,7°	0,194	23,m0	22,m9
1993 SB	~130–200 km	39,24 AE	26,7 AE	51,8 AE	248 Joer	1,9°	0,320	22,m4	21,m9
(15789) 1993 SC	~300 km	39,40 AE	32,10 AE	46,71 AE	247 Joer	5,2°	0,185	22,m5	21,m9
(47171) 1999 TC36	~405 km	39,23 AE	30,55 AE	47,91 AE	246 Joer	8,4°	0,221	19,m8	19,m7
(38628) Huya	540 km	39,72 AE	28,6 AE	50,9 AE	~250 Joer	15,5°	0,281	19,m3	19,m3
(28978) Ixion	400–550 km	39,48 AE	29,9 AE	49,0 AE	~250 Joer	19,6°	0,242	19,m4	18,m0
(90482) Orcus	1600–1800 km	39,47 AE	30,9 AE	48,1 AE	~250 Joer	20,6°	0,218	19,m1	17,m2

Kuckt och

Portal Astronomie

• Lëscht vun den Asteroiden
• Asteroid
• Transneptuneschen Objet
• Zentauren

Um Spaweck

• (en) David Jewitt (University of Hawaii) - Plutinos