Prënz-Albert-Piercing

Vu Wikipedia
Wiesselen op: Navigatioun, sichen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.
Prënz-Albert-Piercing

De Prënz-Albert-Piercing ass e Piercing a Form vun engem Rank, dat an der Héicht vum ënneschte Bord vun der Eechel gesat gëtt.

Beim Prënz-Albert-Piercing geet de Rank, dat meeschtens e Ball Closure Rank ass, duerch déi ënnescht Penishaut. Bei Fraen entsprécht et dem Prinzessin-Albertina-Piercing.

Am grousse Ganze gëtt de PA vu Männer mat beschniddenem Penis gedroen. En ass awer och bei net beschniddenem Penis méiglech.

D'Origine vun dësem Piercing ass onbekannt. Vill Theorië soen, datt de PA ursprénglech manner eng sexuell oder kulturell Funktioun hat, mä gebraucht gouf fir de Penis op eng gewësse Manéier ze sécheren. An déi Richtung geet och de Doug Malloy, deen an de fréien 1970er Joren d'Geschicht verbreet huet, de Prënz Albert, Mann vun der britescher Kinnigin Viktoria, hätt dee Piercing dee säin Numm dréit erfonnt, entweder fir mam Rank d'Virhaut vun der Eechel zréckzehalen a sou ze verhënneren datt sech dorënner Smegma bilde kann, oder en hätt de Rank um Boxeknapp festgemaach fir de Penis beim Reiden an enger manner onangeneemer Positioun ze halen. Et gëtt awer keng historesch Beweiser fir dës Aussoen, sou datt et sech duerchaus just ëm eng modern Seechen handele kann, déi de Malloy an d'Welt gesat huet fir sech ëm d'gesellschaftlech Unerkennung vu Bodypiercingen an den USA anzesetzen.

Commons: Prince Albert piercings – Biller, Videoen oder Audiodateien