President vun der Europäescher Kommissioun
De President vun der Europäescher Commissioun (Commissiounspresident) presidéiert, wéi säin Numm et seet, d'Europäesch Kommissioun (offiziell: Commissioun vun den Europäesche Communautéiten", dacks, fir et méi einfach ze man, "EU-Commissioun" oder "d'Commissioun" genannt).
Hie gëtt vun de Regierungen vun den EU-Memberstaaten ernannt an dono vum Europäesche Parlament confirméiert.
Hien ernennt, op Virschlag vun de Regierungen, d'Membere vun der Europäescher Commissioun, och "Commissairë" genannt, déi hirersäits mussen en bloc vum Parlament d'Vertraue votéiert kréien. Duerch den Traité vun Nice huet de Commissiounspresident d'Méiglechkeet kritt, d'Portefeuillë vun de Commissiounsmemberen nei ze verdeelen oder se ze froen, zeréckzetrieden.
Inhaltsverzeechnes |
[änneren] Seng Aufgaben
De Commmissiounspresident kann déi grouss politesch Linnen vun der Commissioun bestëmmen. Hien organiséiert a leedt d'Reunioune vum Commissiounscollège (déi gewéinlech all mëttwochs moies sinn).
Hie vertrëtt weiderhin d'Commissioun, wann den Europäesche Conseil zesummekënnt, bei de Reunioune vum G8 (den 8 gréissten Industrienatiounen) a bei de Sessioune vum Europäesche Parlament.
[änneren] Geschicht
Dat haitegt Amt vum President vun der Europäescher Commissioun geet zeréck op dat vum President vun der Héijer Autoritéit vun der CECA, dat et zanter 1952 gëtt. Vun Ufank un gouf d'Héich Autoritéit och 'Commissioun' genannt. 1958 goufen niewt der CECA d'Europäesch Atom-Communautéit and d'Europäesch Economesch Communautéit (och bekannt als 'Europäesch Wirtschaftsgemeinschaft', EWG) geschafen. 1967 hunn dës 3 Communautéiten zu den Europäesche Communautéite fusionnéiert; hir Exekutivorganer goufen och zesummegeluecht zur "Commissioun vun den Europäesche Communautéiten".
Méi Informatioun doriwwer am Artikel: Traité iwwer d'Asetze vun engem gemeinsame Conseil an enger gemeinsamer Kommissioun vun den Europäesche Gemeinschaften 
[änneren] Kommissiounspresidenten
Presidente vun der Héijer Autoritéit, och 'Commissioun' vun der CECA genannt:
- 1952-1955 Jean Monnet
- 1955-1958 René Mayer
- 1958-1959 Paul Finet
- 1959-1963 Piero Malvestiti
- 1963-1967 Dino Del Bo
Presidente vun der Commissioun vun der Europäescher Economescher Communautéit (1958-1967), an den Europäesche Communautéiten ( vun 1967 un):
.svg){kind=small}
