Quadrantiden
| Quadrantiden[1] | |
|---|---|
| Aktivitéitszäitraum | 28. Dezember - 12. Januar |
| Aktivitéitsmaximum | 4. Januar |
| Radiantenpositioun vum Aktivitéitsmaximum |
RA: 15h 20m DE: +49° |
| ZHR | 120 |
| Populatiounsindex r | 2,1 |
| geozentresch itesse | 41 km/s |
D’Quadrantiden sinn e Meteorstroum, deen all Joer am Januar ze gesinn ass. Hie gehéiert zu de véier aktivste Stäreschnuppeschwärm.
De visuellen Urspronk oder Radiant läit am Stärebild Bootes, wouduerch si och nach Bootiden genannt ginn. De Name Quadrantiden leet sech vum Stärebild Quadrans Muralis (Mauerquadrant) of, e Stärebild wat net méi offiziell gefouert gëtt.
D’Quadrantiden trieden an den éischten Januarwoche op, mat engem spatze Maximum an der Nuecht vum 3. op de 4. Januar. Am Maximum sinn 120 bis munchmol 200 Meteore pro Stonn ze gesinn. Hir Hellegkeet ass net besonnesch grouss an hir Vitesse ass an der Moyenne ronn 40 km/s.
Den zirkumpolare Radiant steet owens no um Horizont, wouduerch d’Zuel vun den observéierte Meteore staark miniméiert gëtt. An der zweeter Nuetshalschent gewënnt de Radiant un Héicht, wouduerch der Undeel un observéierte Meteore klëmmt.
Bis viru wéinege Joeren war net bekannt, ween de Mammekierper vun de Quadrantide ass. De 6. Mäerz 2003 gouf den Asteroid 2003 EH1 entdeckt, deem sain Bunnparameter gutt mat deem vun den Quadrantide iwwereneen stëmmen. No engem Artikel um Meteor-Expert Peter Jenniskens handelt et sech bei 2003 EH1 ëm den inaktive Rescht vun engem Koméitekär, deen auseneen gebrach war, woubäi niewent 2003 EH1 och d’Quadrantide entstanen sollte sinn. Als Kandidat fir de futtissen Urspronkskoméit kënnt den C/1490 Y1 a Fro, deem seng Bunnelemente och gutt zu de Quadrantide passen.
Kuckt och [änneren]
Um Spaweck [änneren]
- (en) Quadrantid - meteorshowersonline.com
- (en) 2003 EH1 is the Quadrantid shower parent comet
- (de) astrocorner.de: Quadrantiden
- (de) Mammekierper fir Stäreschnuppeschauer entdeckt
- (de) Allg. Info, Geschicht & Links
