RTL Télé Lëtzebuerg

RTL Télé Lëtzebuerg
RTL Télé Lëtzebuerg
Typ	S.A.
Grënnungsdatum	1969
Sëtz	CLT-UFA S.A. RTL Group; 43, boulevard Pierre Frieden, ; L-1543 Lëtzebuerg ; Lëtzebuerg;
Leedung	Christophe Goossens
Branche	Medien
Homepage	http://tele.rtl.lu/

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

RTL Télé Lëtzebuerg ass e lëtzebuergesche privaten Televisiounssender.

RTL Télé Lëtzebuerg gouf 1991 gegrënnt a gehéiert zu 100 % dem RTL Group. Zanter Januar 2017 ass de Christophe Goossens Generaldirekter vun RTL Lëtzebuerg. De 15. Februar 2017 gouf de Guy Weber neie Chefredakter, als Nofollger vum Alain Rousseau^[1]^,^[2]

D'Haaptsprooch vun RTL Télé Lëtzebuerg ass Lëtzebuergesch. De Journal gëtt awer och simultan nach op Franséisch gedolmetscht, an et gëtt franséisch an däitsch Ënnertitelen.

Am éischte Semester 2018 goufen d'Programmer vun RTL Télé Lëtzebuerg (och via den 2. RTL (haut: RTL Zwee) an Internet) an der Woch am Duerchschnëtt vun 102.300 Spectateure gekuckt^[3].

Organisatioun[änneren | Quelltext änneren]

Direktioun[änneren | Quelltext änneren]

Generaldirekter: Christophe Goossens^[4]	Content Director & Deputy CEO: Steve Schmit
Programmchef: Jeff Spielmann	Informatiounsdirekter: Guy Weber

Formater[änneren | Quelltext änneren]

Aktuell Formater/Sendungen:
Sendungen	Gerne	Frequenz	Detail
De Journal	Noriichtesendung	All Dag	Noriichten op Lëtzebuergesch
De Magazin	Theemesendung	Méindes bis donneschdes	Aktuell Theemen, Personnagen, Eventer an dat wat d'Leit beweegt. 30 Minutte mat Reportagen, Live-Interventiounen an Invitéeën.
Kloertext	Talkshow	Donneschdes	D'Emissioun vun der Caroline Mart ronderëm déi Theemen, déi jiddereen am Alldag betreffen. Mat Invitéeën aus der Lëtzebuerger Gesellschaft an der Politik.
Live! Planet People	Talkshow	Freides	Den Talkmagazin vum Freidegowend. E flotte Mix aus aktuellen Theemen an interessante Leit.
Anne's Kitchen	Kachsendung	Onreegelméisseg
ArtBox	Kultursendung	Sonndes	En Abléck an engem Kënschtler säin Alldag
ArtEck	Kultursendung	Onreegelméisseg	En neie Bléck op Lëtzebuerger Perséinlechkeeten an hir faszinant Geschichten.
Famillenduell	Gameshow	Méindes bis donneschdes	„100 Leit hu mer gefrot“... De weltwäite Gameshow-Klassiker op Lëtzebuergesch. D'Emissioun gëtt vum Dan Spogen moderéiert.
Films Made in Luxembourg	Film	Onreegelméisseg
Goal	Sport	Méindes	Déi grouss Matcher, Hannergrënn a Reportagen, Clibb, Spiller a Fans... De grousse Magazin zesumme mat der FLF all Méindegowend nom Journal op der Tëlee.
KannaTiVi	Kannersendung	Sonndes	De Kannerprogramm mat Emissiounen, Serien a Kanner-News op RTL Télé Lëtzebuerg an RTL Zwee.
"Hei Elei Retro"	Retrosendung	Sonndes
MaG - Mënschen a Geschichten	Interview	All zweete Sonnden	Mënschen a Geschichten, emotional staark Portraite vu Leit, déi eppes Aussergewéinleches erlieft hunn, glécklech oder dramatesch Momenter, déi hiert Liewe verännert hunn.
Nächst Statioun	Animatiounsserie	Sonndes	De Klaus an de Misch sinn zwéi kleng Ausserierdescher, déi op d'Äerd geschéckt goufe fir eng Invasioun virzebereeden. Nächst Statioun » ass eng Animatiounsserie fir Grouss a Kleng, déi vun Zeilt Productions ganz zu Lëtzebuerg realiséiert gouf.
No Art On Air	Talkshow	Samschdes	De labberen Talk mam Jenny Fischbach iwwer kulturell Theemen mat spannenden Invitéeën, flott Chroniken, en aktuelle Coup de coeur oder e kulturpolitesche Sujet.
Picco Bello Jackpot	Gameshow	Onreegelméisseg	D'Glécksrad vun der Loterie Nationale mam groussen Jackpot, wien 3 Tëleeë rubbelt, ass dobäi!
PISA - de Wëssensmagazin	Wëssensmagazin	Sonndes (onreegelméisseg)	Theemen déi eis all beschäftegen, wëssenschaftlech hannerfrot vum Olivier Catani an der Ekipp vum Magazin
Rebound - de Basketsmagazin	Sport	Sonndes	Sendung iwwer Basketball
"routwäissgro"	Dokumentatioun	Sonndes (onreegelméisseg)	Eng Serie aus dem Liewe gegraff an op de Mënsch zougeschnidden. All Episod begleet eng Persoun a sengem gelieften Alldag.
RTL Sport	Sport	Sonndes	Wat war de Weekend iwwer lass am Sport? Resultater, Biller, Reportagen - direkt nom Journal.
Success Story	Entertainment	Dënschdes (onreegelméisseg)	Lëtzebuergesch Versioun vun „Die Höhle der Löwen“
Télévie	Benefiz-Sendung	Eemol d'Joer	Spendemarathon fir d'Kriibsfuerschung z'ënnerstëtzen

(Stand: Juni 2020)

Fréier Formater/Sendungen:
Sendungen	Genre	Detail
20 vir	Talksshow
"Ausgesat - Eng Rees ouni Plang"	Doku-Soap	Zwou RTL-Equippen ginn ausgesat op enger hinnen onbekannter Destinatioun. Eng Course zwee géint zwee, ouni Internet a mat limitéiertem Budget ...
Automag	Automagazin	Autoen am Test, nei Modeller zu Lëtzebuerg a spannend Reportagen ronderëm dem Lëtzebuerger seng léifste Spillsaach, presentéiert vum Pascal Becker a Serge Pauly.
"Capitani"	Krimiserie	Éischt Lëtzebuerger Krimiserie
"Comeback"	Sitcom
DNA - Geléisten an ongeléiste Lëtzebuerger Kriminalfäll	True Crime	Lëtzebuergesch Versioun vun „Aktenzeichen XY … ungelöst“
Generation Art	Kultursendung	D'Casting-Show, bei där Kënschtler hiert Talent beweise kënnen
Kapital	Finanzsendung	D'Ekonomie, d'Aarbechtswelt, de Business an d'Innovatioun zu Lëtzebuerg vun Experte beliicht
"Neie Wand mam Wendt", mit Andreas Wendt	Magazinsendung	Den Hair-Stylist Andreas Wendt bréngt neie Wand an d'Coiffeurssalonen, déi et néideg hunn
Mäi klenge Restaurant doheem	Kachsendung	4 Käch(e) si bereet, fir een Owend hir Wunneng an e Restaurant ëmzebauen an 10 friem Gäscht ze bekäschtegen
Mastercook	Kachsendung	8 Ekippen, 1 Zil, den Titel vum beschten Hobbykach Duo vu Lëtzebuerg. Wéi eng Hobbykäch Duoe kënnen haut de Jury am meeschten iwwerzeegen?
Review	Filmmagazin	De kritesche Kinosmagazin. Wei eng Filmer lafen elo am Kino a wei kommen se bei onsen Filmexperten un?
RTL Kids	Kannersendung
RTL Shop	Teleshopping
TIRLITIVI - Planet Kids	Kannersendung	All Dag
The One	Museksshow	Lëtzebuergesch Versioun vun "The Voice"
"Wanns de eppes kanns!"	Castingshow	Lëtzebuergesch Versioun vun "Das Supertalent"
"Weemseesdet"	Sitcom	Éischt Lëtzebuergesch Sitcom
"Zëmmer ze verlounen"	Sitcom