Rate Your Music

Vu Wikipedia

Rate Your Music (ofgekierzt als RYM) ass eng gratis online Datebank déi musikalesch Opname referenzéiert. Si gouf am Joer 2000 gegrënnt an erméiglecht hire Benotzer, Opnamen (Albumen, Singelen, EPen, Filmer, Videoen) ze katalogiséieren an ze bewäerten.

Geschicht a Struktur[änneren | Quelltext änneren]

De Sëtz vu Rate Your Music ass zu Seattle an de Vereenegte Staaten. RYM gouf de 24. Dezember 2000 vum Hossein Sharifi vun Atlanta gegrënnt. Am Géigesaz zu Discogs, bei deenen de Schwéierpunkt op elektronescher Musek läit, huet Rate Your Music sech a senger Ufankszäit éischter op Rockmusek konzentréiert.[1] De Prinzip vun der Säit ass datt d'Benotzer déi verschidden Opname bewäerten. Dës Bewäertunge kënne vun engem Minimum vun engem hallwe Stär bis zu engem Maximum vu fënnef Stäre goen.

D'Datebank funktionéiert als Wiki, dat heescht d'Benotzer droen d'Opname selwer an d'Datebank an. Wärend déi éischt Versioun nëmmen e puer Funktioune gebueden huet (et konnt een zum Beispill seng eege Plackesammlung androen), huet déi 2006 agefouert nei Versioun méi Informatiounen zougelooss. Mat "RYM 2.0" kënnen d'Benotzer ënner anerem och Concerten androen, Leschte maachen, a Forumen iwwer Musek diskutéieren an anere Benotzer Musek recommandéieren.

Wéinst den héije Käschte gëtt d'Säit zanter 2006 net nëmme méi vu Benotzerspende finanzéiert, mä kritt zum Beispill duerch d'Affichéiere vu Reklammen och Sue vu Google. Dës Entscheedung ass vum Sharifi zesumme mat de Benotzer geholl ginn.[2]

Am Mee 2009 huet RYM ugefaange Filmer a seng Datebank z'integréieren. Obwuel Rate Your Music net mat der Internet Movie Database konkurenzéiere kann, waren am Januar 2012 schonn 97 000 Filmer agedroen.

An der zweeter Hallschent vum Joer 2013 goufen um Site progressiv eng Rei Erneierungen ëmgesat, dorënner en neien Design an d'Méiglechkeet Studiomusiker bei den Opnamen ze lëschten.

"Custom Charts" a Museksempfeelungen[änneren | Quelltext änneren]

Eng besonnesch Funktioun sinn déi sougenannten "Custom Charts" (custom ass englesch fir benotzterdefiniéiert). Si sinn Rangleschte vu Filmer an Opname aus der Datebank, bei deenen de Benotzer d'Krittäre vun der Zesummestellung selwer auswiele kann. hie kann zum Beispill déi Wierker mat den héchste Bewertungen, mä och déi mat den niddregste Bewäertungen, no Joer, Joerzéngt, Format oder Land uerdnen.

Zousätzlech kann all Benotzer engem anere Benotzer Filmer, Kënschtler an Opname suggeréieren. Et gëtt och eng automatesch Funktioun, déi dem Benotzer mat Hëllef vu sengen anere Bewäertungen nei Empfeelunge gëtt.

Statistiken[änneren | Quelltext änneren]

2006[3] 2008[4] 2010[5] 2011[6] 2012[7]
Kenschtler 166 865 296 681 580 737 747 610 848 196
Opnamen 702 857 1 148 333 1 896 128 2 300 765 2 547 775
Bewertungen 4 033 301 8 513 580 17 414 284 23 339 936 27 481 332
Labelen 3 345 16 466 45 154 58 475 64 912
Rezensiounen 636 739 1 159 958 1 453 200 1 644 165
Concertssäll 1 315 4 374 8 134 9 714 10 379

Am Dezember 2011 haten 376 907 Benotzer e Kont bei Rate Your Music. Si si majoritär jonk a männlech.[8]

Um Spaweck[änneren | Quelltext änneren]

Referenzen[Quelltext änneren]

  1. RYM versus Discogs (2008)
  2. Forum vum Mee 2006 iwwer d'Aféiere vu Reklammen op RYM
  3. Statistik 2006
  4. Statistik 2008
  5. Statistik 2010
  6. Statistik 2011
  7. Statistik 2012
  8. Audience Demographics vun Alexa Gearchiveerd op 2016-03-22. Gekuckt de(n) 2012-01-21.