Raumfaart

Space Shuttle Start

Inhaltsverzeechnes

1 Virwuert
- 1.1 Déi éischt Meilesteng an der Raumfaart
2 International Raumfaart
- 2.1 Europa
  - 2.1.1 Frankräich
- 2.2 Asien
  - 2.2.1 China
  - 2.2.2 Südkorea

Virwuert [änneren]

De Begrëff Raumfaart bezeechent Reesen oder Transporter an oder duerch de Weltraum. Den Iwwergang tëschent Äerd a Weltraum ass fléissend a gouf duerch d'FAI op eng Grenzhéicht vun 100 Kilometer festgeluecht. Ee Raumgefier muss zousätzlech och nach d'Kosmesch Vitesse vu ronn 7,9 km/s erreechen, fir een Äerdsatellit ze ginn.

Et ënnerscheet een tëschent:

bemannter Raumfaart, bäi där Mënschen d'Rees an de Weltraum untrieden. – Dat si bis elo d'Natiounen Russland, d'USA an d'Volleksrepublik China amstand ze maachen.
onbemannter Raumfaart, betrëfft den Transport an de Betrib vu Satellitten a Sonden an de Weltraum. Am Moment bréngen 10 Länner an d'ESA onbemannt Starte mat eegenen Drorakéite fäerdeg.

Déi éischt Meilesteng an der Raumfaart [änneren]

3. Oktober 1942: Eng A4-Rakéit (och als V2 bekannt) ass den éischten Objet dee vu Mënsche gebaut gouf, deen d'Grenz zum Weltraum duerchstéisst (85 km). Aner V2-Rakéite solle kuerz Zäit duerno Héichte bis 120 km geflu sinn. D'Amerikaner erreechen 1946 mat der Hëllef vun den Däitschen souguer eng Héicht vun 187 km.
4. Oktober 1957: Sputnik 1 (Sowjetunioun), den éischte gebaute Satellit .
3. November 1957: Sputnik 2 (Sowjetunioun), huet mat dem Hond Laika dat éischt Liewewiesen an de Raum geschoss.
19. August 1960: Sputnik 5 (Sowjetunioun), fir d'éischt landen zwee Liewewiesen (D'Hënn Strelka an Belka) no engem Raumfluch sécher op der Äerd.
12. Abrëll 1961: Wostok 1 (Sowjetunioun), de Juri Alexejewitsch Gagarin flitt als éischte Mënsch an de Weltraum.
11. August/12. August 1962: Wostok 3 a Wostok 4, d'Kosmonauten Andrijan Nikolajew an Pawel Popowitsch (Sowjetunioun) starten zum éischten Weltraumrendezvous. Fir d'éischt sinn zwéi Mënschen am Weltraum. Déi zwee Raumschëffer kommen sech bis op 5 km erun.
16. Juni 1963: Wostok 6, d'Walentina Wladimirowna Tereschkowa flitt als éischt Fra an de Weltraum. Rendezvous mam Waleri Bykowski (Wostok 5). Béid Raumschëffer kommen u sech bis op 5 km. erun.
12. Oktober 1964: Woschod 1 Dat éischt méisëtzescht Raumschëff ass am Raum. D’Équipe: Wladimir Komarow, Boris Jegorow an Konstantin Feoktistow (Sowjetunioun). De Feoktistow an Jegorow sinn déi éischt Wëssenschaftler am Raum.
18. Mäerz 1965: Woschod 2, Den éischte Mënsch Alexei Leonow verléisst d'Raumschëff a schwieft fräi am Weltraum. De Kommandant ass den Pawel Beljajew (Sowjetunion)
21. Dezember 1968: Apollo 8, éischt bemannte Moundëmkreesung. Frank Borman als Kommandant. James Lovell, William Anders (USA)
16. Juli 1969: Apollo 11, Start zur éischter Moundlandung. Den Astronaut Neil Armstrong betrëtt den 20. Juli 1969 als éischte Mënsch de Mound, hannendrun den Edwin Aldrin. De Michael Collins (USA) flitt d'Apollo-Mammeschëff (Réckkéierkapsel).
15. Dezember 1970: Venera 7. Éischt mëll Landung op engem anere Planéit, der Venus. (Sowjetunioun)
24. Dezember 1979: Éischte Fluch vun der europäescher Drorakéit Ariane 1.
12. Abrëll 1981: De Space Shuttle Columbia start zu sengem éischte Fluch. Et ass dat éischt deelweis nees gebrauchbart Raumtransportsystem.
19. Februar 1986: De Basisblock vun der Raumstatioun Mir gëtt an de Raum geschoss.
20. November 1998: Mat dem Start vum russesche Sarja-Modul fänkt den Opbau vun der Internationaler Raumstatioun ISS – dat bis elo gréisste Projet an der Raumfaart, un.
15. Oktober 2003: De Yang Liwei start als éischte Chines mat der Missioun Shenzhou 5 an de Weltraum.
24. Oktober 2007: China start seng éischt Äerdmoundsond Chang'e-1.
22. Oktober 2008: Indien start mat Chandrayaan-1 seng éischt Äerdmoundmissioun.