Rheinland-Pfalz

Rheinland-Pfalz

Fändel	Wopen
Basisdaten
Haaptstad:	Mainz
Fläch:	19.847,39 km² (9.)
Awunner:	4.059.604 (7.) (30. Juni 2005)
Bevëlkerungsdicht:	205 Awunner/km² (9.)
Politik
Stëmmen am Bundesrat:	4
Ministerpresident:	Kurt Beck (SPD)
Parteien an der Regierung:	SPD-FDP-Koalitioun
Sëtzverdeelung am Landtag (101 Sëtzer):	SPD 53 CDU 38 FDP 10
Lokalisatioun

D'Rheinland-Pfalz ass e Bundesland am Südweste vun der Bundesrepublik Däitschland, wat den 18. Mee 1947 gebilt gouf. Gëlteg Ofkierzunge sinn RLP, RPF bzw. RP (woubäi dat lescht mat der neier Autosplack vum Rhein-Pfalz-Krees ka verwiesselt ginn).

D'Rheinland-Pfalz grenzt un d'Bundeslänner Nordrhein-Westfalen, Hessen, d'Saarland, Baden-Württemberg an un d'Belsch, Frankräich a Lëtzebuerg.

De Wopen a seng Symboler

D'Landeswope vu Rheinland-Pfalz besteet aus dem Léiw vun der Pfalz, dem Kräiz vum Äerzbistum a Kurfürstentum Tréier souwéi dem Mainzer Rad an erënnert domadder un d'Kurfürstentümer Tréier, Mainz a Pfalz, déi bis 1806 existéiert hunn.

Am ieweschte rietsen Drëttel ass dat zanter 1273 attestéiert Symbol vum Äerzbistum Tréier, d'roud Kräiz op wäissem Hannergrond. Am lénksen ieweschten Drëttel ass op roudem Hannergrond d'Sëlwerrad mat sechs Speechele vum Äerzbistum Mainz, wat och zënter dem 13. Joerhonnert als Sigel agefouert gi war. De gëllene Léiw am ënneschte schwaarzen Drëttel steet fir d'Kurpfalz, an ass ob de besonnesche Rang vun den Herzoge vu Bayern als "Pfalzgrafen bei Rhein" zréckzeféieren. Iwwert dem Schëld steet eng Kroun aus fënnef gëllene Wäiblieder, Rheinland-Pfalz ass e bedeitend Däitscht Wäibaugebitt.

Geographie

D'Rheinland-Pfalz ëmfaasst am Norde vun de Rheinesche Schieferbierger de südlichen Deel vun der Eifel, den Hunsrück, de westleche Westerwald an de nordwestlechen Deel vum Taunus, souwéi am südliche Beräich d'Rheinhessescht Hiwwelland, d'Nordpfälzer Biergland, de Landstuhler Bruch, d'Südwestpfälzesch Héichfläch, de Pfälzer Bësch an en Deel vun der Uewerrheinescher Déifebene. Den héchste Bierg ass den Erbeskopf (816 m) am Hunsrück. Kuckt heizou och Bierger an der Rheinland-Pfalz.

Duerch Rheinland-Pfalz fléissen déi grouss Bundeswaasserstroosse Rhein, Musel, Saar a Lahn. Weider Flëss sinn Nahe, Sauer, Our, Glan a Sieg. Kuckt heizou och Flëss an der Rheinland-Pfalz.

Administratioun

Landkreeser

Kuckt heizou och d'Lëscht vun de Landkreesser an Däitschland

An der Rheinland-Pfalz ginn et 24 Landkreeser:

Kaart vun de Landkreesser a Rheinland-Pfalz

Ahrweiler (AW) Altenkirchen (AK) Alzey-Worms (AZ) Bad Dürkheim (DÜW) Bad Kreuznach (KH) Bernkastel-Wittlich (WIL) Birkenfeld (BIR) Cochem-Zell (COC) Donnersbergkrees (KIB) Äifelkrees Bitburg-Prüm (BIT) Germersheim (GER) Kaiserslautern (KL) Kusel (KUS) Mainz-Bingen (MZ) Mayen-Koblenz (MYK) Neuwied (NR) Rhein-Hunsrück-Krees (SIM) Rhein-Lahn-Krees (EMS) Rhein-Pfalz-Krees (RP) Südlech Wäistrooss (SÜW) Südwestpfalz (PS) Tréier-Saarburg (TR) Landkrees Vulkanäifel (DAU) Westerwaldkrees (WW)

Kreesfräi Stied

Frankenthal (Pfalz) (FT) Kaiserslautern (KL) Koblenz (KO) Landau an der Pfalz (LD) Ludwigshafen um Rhein (LU) Mainz (MZ)

Neustadt un der Wäistrooss (NW) Pirmasens (PS) Speyer (SP) Trier (TR) Worms (WO) Zweebrécken (ZW)

Kuckt heizou och d'Lëscht vun de kreesfräie Stied an Däitschland.

Regiounen

Rheinland-Pfalz ass an 9 Regiounen agedeelt:

• Ahr
• Äifel
• Hunsrück
• Mëttelrhein-Lahn-Taunus
• Musel-Saar
• Nahe
• Pfalz
• Rheinhessen
• Westerwald

Kuckeswäertes

Bauwierker a Kierchen

Festung Ehrenbreitstein zu Koblenz

Doum zu Mainz

Doum zu Speyer

Porta Nigra zu Tréier

Uertschaft	Kuckeswäertes
Andernach	Geysir Andernach op dem Namedyer Werth Ronnen Tuerm
Bingen um Rhein	Binger Mäuseturm Drususbréck
Bad Kreuznach	Bréckenheiser Pauluskierch
Idar-Oberstein	Däitscht Edelstengmuseum Edelstengminen Felsekierch
Koblenz	Balduinbréck Basilika St. Kastor Deutsches Eck Festung Ehrenbreitstein
Mainz	Doum vu Mainz Réimersteng Réimeschen Theater vu Mainz Zitadell vu Mainz
Rhens	Kinneksstull
Remagen	Apollinariskierch Bréck vu Remagen
Sankt Goarshausen	Loreley
Schifferstadt	Gëllenen Hutt
Speyer	Doum vu Speyer
Tréier	Amphitheater Keeserthermen Karl-Marx-Haus Konstantinbasilika Porta Nigra Réimerbréck Doum vun Tréier
Worms	Doum vu Worms Nibelungebréck
Vulkaneifel	Laacher Séi Benediktinerabtei Maria Laach Vulkanpark

UNESCO Weltierfschaft

• 1981 - K - Doum zu Speyer
• 1986 - K - Dat réimescht Tréier (dorënner och d'Igeler Sail), den Doum St. Peter an d'Léiffraekierch
• 2002 - K - Kulturlandschaft Mëttelse Rhäin tëschent Koblenz a Bingen
• 2005 - K - De 550 km laange Uewergermanesche-Rätesche Limes tëschent Rheinbrohl a Eining

Buergen a Schlässer

Marksburg zu Braubach

Trifels

Kurfürstlecht Schlass zu Koblenz

Buerg Pfalzgrafenstein

Schlass Stolzenfels

Buerg Thurant

Numm	Aart/Zoustand	Uertschaft/Lag
Buerg Arras	Buerg	Alf
Al Buerg	Buerg	Boppard
Al Buerg	Buerg	Koblenz
Räichsbuerg Cochem	Buerg	Cochem
Dahner Buergegrupp	Buregruinen	Dahn
Festung Ehrenbreitstein	Festung	Koblenz
Ehrenburg	Buerg	Brodenbach
Buerg Eltz	Buerg	Münstermaifeld
Buergruin Birkenfeld (Stammbuerg vun de Wittelsbacher)	Buergruin	Birkenfeld
Feste Kaiser Franz	Festung	Koblenz
Buerg Falkenstein	Burgruin	Falkenstein
Fraëbuerg	Burgruin	Frauenberg
Hambacher Schlass	Schlass	Neustadt un der Wäistrooss
Buerg Hohenfels	Burgruin	Imsbach
Buerg a Schlass Idar-Oberstein	Buerg, Schlass	Idar-Oberstein
Kurfürstlecht Schlass	Schlass	Koblenz
Kurfürstlecht Schlass	Schlass	Mainz
Buerg Lahneck	Buerg	Lahnstein
Landskron	Buergruin	Oppenheim
Liebenstein	Buerg	Kamp-Bornhofen
Buerg Altleiningen	Buerg	Altleiningen
Marksbuerg	Buerg	Braubach
Buerg Nassau	Buerg	Nassau
Nürburg	Buerg	Nürburg
Buerg Olbrück	Buerg	Niederdürenbach
Buerg Pfalzgrafenstein	Buerg	matzen am Rhein bei Kaub
Schlass Philippsburg	zerstéiert	Koblenz
Buerg Reichenstein	Buerg	Trechtingshausen
Buerg Rheinfels	Buergruin	Sankt Goar
Rheinstein	Buerg	Trechtingshausen
Schlass und Buerg Sayn	Schlass, Buerg	Bendorf
Schlass Bürresheim	Schlass, Buerg	Sankt Johann (Mayen)
Schlass Stolzenfels	Schlass	Koblenz
Schmidtburg	Burgruin	Schneppenbach
Schönburg	Buerg	Oberwesel
Buerg Sooneck	Buerg	Niederheimbach
Buerg Stahleck	Buerg	Bacharach
Räichsbuerg Trifels	Buerg	Annweiler am Trifels
Schlass Montabaur	Schlass	Montabaur
Buerg Thurant	Buerg	Alken
Zitadell vu Mainz	Festung	Mainz

Politik

D' Ministerpresidenten zanter dem 13. Juni 1947:

• 13. Juni 1947 – 9. Juli 1947: Dr. Wilhelm Boden, CDU
• 1947 – 1969: Dr. h.c. Peter Altmeier, CDU
• 1969 – 1976: Dr. phil. Dr. h. c. mult. Helmut Kohl, CDU
• 1976 – 1988: Dr. phil. Bernhard Vogel, CDU
• 1988 – 1991: Dr. Carl-Ludwig Wagner, CDU
• 1991 – 1994: Rudolf Scharping, SPD
• 1994 – haut: Kurt Beck, SPD

Um Spaweck

• Ausféierlech Beschreiwung vum Wope vu Rheinland-Pfalz

Länner an Däitschland  

Baden-Württemberg | Bayern | Berlin | Brandenburg | Bremen | Hamburg | Hessen | Mecklenburg-Vorpommern | Niddersachsen | Nordrhein-Westfalen | Rheinland-Pfalz | Saarland | Sachsen | Sachsen-Anhalt | Schleswig-Holstein | Thüringen

Commons: Rhineland-Palatinate – Biller, Videoen oder Audiodateien