Rol Gelhausen

Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.

De Roland "Rol" Gelhausen, gebuer den 21. November 1959 an der Stad Lëtzebuerg, ass e lëtzebuergeschen Auteur fir Cabaretsprogrammer. Als Beruff huet en Electromecanicien geléiert.

Säin éischten Optrëtt hat hien 1975 beim Duerftheater Kanech. 1980 Grënner vum Kanecher Kabaret.

Zanter 1984 ass en Auteur an Acteur bei de Cabaretsensemblen JB mat Äis an MM1.

Hien ass och Auteur fir aner Ensemblen, wéi d'Lëtzebuerger Revue, de Kabarä Feierstëppler an d'Makadammen.

Niewebäi huet hien Optrëtter bei Theater-, Héierspill- a Fernsehproduktiounen.

Nom Programm Neuros 2000 vu JB mat Äis huet hien de Cabaretsensembel Cabarenert gegrënnt. Programmer: Onkraut vergeet net - Endstatioun Geenzuucht - Fixfeier - Maach d'Kräiz ... an alles bleift besser - Schwamm driwwer an Alles am A... matgeschriwwen a matgespillt.

Wierker

• Roland Gelhausen: Marieland ouni Filter, Holzem, 2005, 287 S.
• Roland Gelhausen: Mir kommen an Däiwelskichen, 2012, 256 S.

Fir ze liesen

• Roland Gelhausen, Marienland ouni Filter, Artikel vum Giulio-Enrico Pisani an der Zeitung vum Lëtzebuerger Vollek vum 10.11.2005
• Revue Nr. 50 vum 12. Dezember 2012, S. 32-33, Gabrielle Seil: Däiwelskichen

Um Spaweck

• Offiziell Websäit vum Roland Gelhausen
• Sprache als Ventil, Artikel vun der Carmen Heyar an der Wochenzeitung D'Lëtzebuerger Land vum 27. Januar 2006 iwwer dem Roland Gelhausenan säi Buch Marieland ouni Filter